影片
更多
2019-03-17
1041 瀏覽
今日經過銅鑼灣橫街, 見呢間川菜店面唔大, 但環境都幾清靜, 價錢又合理, 就入左去一試.雖然朋友唔係好食得辣, 但佢地都有好多唔辣既野簡. 我地見最多人食既係酸菜魚同招牌香鍋, 咁我地當然跟啦。招牌香鍋, 係要簡一個鍋底同最少5款餸, 咁我地簡秘製醬香鍋, 牛肉, 土豆, 年糕, 油麥菜, 鮮腐竹。個鍋黎到已經好香, 而且個味道非常野味, D配料同個汁都好夾, 入哂味, 好啱撈飯食, 正.之後個酸菜魚都好大份, 我地簡左唔辣, 佢D魚都好滑, 酸度適中, 好啱我口味, 我地加左粉條, D粉條口感勁Q, 跟埋個湯底食真係絶配.清炒萵筍絲, 炒得好青綠, 清甜爽口, 中和番之前食香鍋, 好FRESH, 我個人都幾鐘意十二味爽肉粒, 我叫果陣都唔知係咩, 咁佢用得招牌命名應該唔會差啦, 黎到一睇原來係咕嚕肉, 不過的確當得起個招牌菜, D肉炸得好脆, 肉身好爽口, 個汁個味啱啱好, 少少張住舊肉, 係我食過咁多咕嚕肉當中最好食既其中一間。最後食埋個甜品紅糖糍粑, 炸得唔錯, 食落有D米漿味, 加少少糖漿食, 味道唔錯整体質素都幾好, 會再幫襯.
今日經過銅鑼灣橫街, 見呢間川菜店面唔大, 但環境都幾清靜, 價錢又合理, 就入左去一試.
雖然朋友唔係好食得辣, 但佢地都有好多唔辣既野簡. 我地見最多人食既係酸菜魚同招牌香鍋, 咁我地當然跟啦。
招牌香鍋, 係要簡一個鍋底同最少5款餸, 咁我地簡秘製醬香鍋, 牛肉, 土豆, 年糕, 油麥菜, 鮮腐竹。
個鍋黎到已經好香, 而且個味道非常野味, D配料同個汁都好夾, 入哂味, 好啱撈飯食, 正.
之後個酸菜魚都好大份, 我地簡左唔辣, 佢D魚都好滑, 酸度適中, 好啱我口味, 我地加左粉條, D粉條口感勁Q, 跟埋個湯底食真係絶配.
清炒萵筍絲, 炒得好青綠, 清甜爽口, 中和番之前食香鍋, 好FRESH, 我個人都幾鐘意
十二味爽肉粒, 我叫果陣都唔知係咩, 咁佢用得招牌命名應該唔會差啦, 黎到一睇原來係咕嚕肉, 不過的確當得起個招牌菜, D肉炸得好脆, 肉身好爽口, 個汁個味啱啱好, 少少張住舊肉, 係我食過咁多咕嚕肉當中最好食既其中一間。
最後食埋個甜品紅糖糍粑, 炸得唔錯, 食落有D米漿味, 加少少糖漿食, 味道唔錯
整体質素都幾好, 會再幫襯.
張貼
