影片
更多
2019-02-28
1764 瀏覽
又到一個月一次同女友食辣野時侯，今次女友揀左近學校既「十二味麻辣小當家」，貝到門口裝修紅噹噹，就知道今次大「辣」臨頭。入面環境寬敞，幾鍾意天花板掛上燈籠，令我諗起上年成都既火鍋店，突顯中國文化。另外餐廳門口提供圍裙，唔駛驚麻辣油彈到衣服。食麻辣火鍋一定要叫足夠飲品，我叫左慾望酸梅，估唔到非常大杯，簡直係二人份量。首先上左䓤油拌麵，蔥油香撲鼻而來。醬油亦出色，配上彈牙麵條，令我越食越上癮。唔晒十分鐘就上晒菜。我地叫左鴛鴦湯底，左邊深圳椰子雞鍋，右邊Q版熊貓牛油火鍋。熊貓外型既麻辣磚非常可愛，湯底鋪滿辣椒，一開始辣度非常平和，但之後香辣感覺非常明顯，辣度十足，而且充滿牛油香。至於椰子雞鍋非常足料，包括紅棗、椰子片、粟米等。餐廳提供既雞件十分多，起碼20件。雞件本身非常嫩滑，非常新鮮，仲散發一陣椰子香味。最印象深刻既材料有幾種，首先係美國雪花肥牛卷，牛味非常重，肥瘦適中。凍豆腐索曬麻辣汁，辣得非常過癮。香辣羊肉串入口有濃烈孜然味，正！豬肉餃係名副其實嘅皮薄餡靚。最後叫咗寬粉，平時識開都係烏冬公仔麵，今次試吓新野，口感幾煙韌。食完個嘴已經紅咗腫左，不過值得既。女友係餐紙上見到一句幾特別嘅說話-
另外餐廳門口提供圍裙，唔駛驚麻辣油彈到衣服。
食麻辣火鍋一定要叫足夠飲品，我叫左慾望酸梅，估唔到非常大杯，簡直係二人份量。
首先上左䓤油拌麵，蔥油香撲鼻而來。醬油亦出色，配上彈牙麵條，令我越食越上癮。
唔晒十分鐘就上晒菜。我地叫左鴛鴦湯底，左邊深圳椰子雞鍋，右邊Q版熊貓牛油火鍋。熊貓外型既麻辣磚非常可愛，湯底鋪滿辣椒，一開始辣度非常平和，但之後香辣感覺非常明顯，辣度十足，而且充滿牛油香。
至於椰子雞鍋非常足料，包括紅棗、椰子片、粟米等。餐廳提供既雞件十分多，起碼20件。雞件本身非常嫩滑，非常新鮮，仲散發一陣椰子香味。
最印象深刻既材料有幾種，首先係美國雪花肥牛卷，牛味非常重，肥瘦適中。
凍豆腐索曬麻辣汁，辣得非常過癮。
香辣羊肉串入口有濃烈孜然味，正！
豬肉餃係名副其實嘅皮薄餡靚。
最後叫咗寬粉，平時識開都係烏冬公仔麵，今次試吓新野，口感幾煙韌。
食完個嘴已經紅咗腫左，不過值得既。女友係餐紙上見到一句幾特別嘅說話-醫好感冒嘅唯一方法就係食一餐麻辣，令佢又多咗一個食麻辣火鍋嘅藉口。
張貼
