十二味 (山市樓) (已結業)

對於我呢種魚精黎講，魚的料理一定係好吸引！加上前排上左大陸食酸菜魚，無論酸菜同魚都係我的最愛，所以在香港都想試試而周圍都愈來愈多餐廳賣酸菜魚。十二味係一間專賣四川菜的餐廳，自然都有呢個酸菜魚潮流，所以專登搭車黎試！酸菜魚+寬粉入到門口好自然見到每一檯都有酸菜魚！所以一定一定要食！的確真係名不虛傳！魚塊大大塊，好吸酸菜的香味！又唔會過咸，塊塊都好滑！而且仲有少少瓜類一齊煮，保持到清新感覺過去食的酸菜魚總會覺得油膩感，但十二味呢碟係唔會！加上寬粉都吸左魚的鮮味同酸菜味，值得加分！我地要左唔辣，相信加辣效果更好經典香辣鍋除左酸菜魚呢個名物，此鍋都係十分出名，都係每檯總有一個！個鍋只少要點5種食材！我地集中要左蔬菜再加牛肉！其中四季豆同蓮藕同花椒呢d香料好夾！必點之選！香口惹味慾望酸梅個人覺得成餐飯都好好食，唯獨呢杯我覺得十分難飲...有種藥水味