十二鍋 (已結業)

本身唸住中午去莊士倫敦廣場既kfc試冇麵包既雞包，點知kfc裝修緊，落扶梯離開商場既時候見到有間裝潢唔錯既食店。餐廳名叫十二鍋，餐牌上就提供十二隻鍋，期間限定既鍋係壽喜燒。燈光光猛，卡位唔窄肥肥地既人都坐到。叫左藥膳雞湯底，跟粉絲同紅茶/綠茶，份量少(每樣餸都係得少少，粉絲呢d唔值錢野都咁少有d灰) ，個鍋身好淺，食物只有一層，黃酒雞有蟲草花有菜有丸有蜂巢豆腐有金針菇有冬菇有嗚門卷，味道正常，湯底唔濃。食到中途個爐會熄既(唔係電爐或gas爐)，費時攪到店員所以由佢，食到尾杯紅茶都未有，要問店員先拎黎。位置：鄰近佐敦站，食完行去尖沙咀定油麻地都好方便裝潢：燈光光猛，卡位坐得舒服，冷氣都夠食物：份量少，藥膳雞湯底好稀服務：有禮貌，但少客人既情況都有甩漏(食到尾都冇俾野飲，要問店員，如果間野冇加一或者當時多客人，甩漏好正常，但呢間有加一同當時冇咩客)價錢：相對其食物份量同質素，定價偏高(係白加士街有間專食雞湯既餐廳仲濃仲足料仲平d，裝潢都好好既不過個間既位冇呢間好坐。行遠d去官涌熟食中心有間專食米線既餐廳可選黃酒雞勁大份量仲要平一半，不過個一間環境極低分)藥膳雞鍋配粉絲，加一後97蚊。返到屋