北海道十勝豚丼 (已結業)

10月24日, 行完一輪旺角, 個肚又開始餓~ 我地好鍾意喺女人街搵d又平又好味嘅野食, 今次咁啱黎到十勝豚丼, 以食豬扒出名, 又唔駛等位, 即刻去食!::: 燒豬肩脥肉飯(原味網燒汁) ::: $38有好多種豚肉種類揀, 叫咗呢個因為佢好似特別d~ 質地應該係豬頸肉, 少少肥都幾嫩口, 都算係爽口架喇, 係幾香不過都有d燒過龍, 燒到面頭有少少燶… 配上網燒汁又唔會食到豬肉好乾咁, 撈飯食唔錯~ 之不過d飯比較硬同乾, 有d難食… 配菜有個凍豆腐同麵豉湯, ok咁啦, 冇乜特別::: 吉列豬扒冷麵 ::: $48好評如潮嘅豬扒冷麵果然無令人失望! 冷麵大大碗~ 仲有青瓜絲同蛋絲~ 清爽! 麻醬睇到粒粒芝麻碎, 而且分碟另上, 多少濃淡都可以自己控制~ 吉列豬扒炸得香脆, 咬落都幾juicy~ 點埋自己磨製嘅豬扒汁食好好味! 唯一唔好係個d油收得唔夠好, 如果唔係會再高分d~ 另外仲附上紫菜比你包住豬扒冷麵同食~ d紫菜好新鮮~ 食落脆卜卜! 好欣賞呢個食法~ yummy! 都果然係食豚肉專門店, 豚肉果然出色, 冷麵亦係推介之一!~ 食食下都好多人黎, 仲要等位, 又見到外國遊客