逸東軒

逸東軒的晚餐都非常熱門，這次趁母親生日就提早一個月預定黎食飯。四個人總共點左5樣，分別有豬肺湯，鴨，話梅車厘茄，菜同一個燒味拼盤。每一道菜都十分有驚喜同味道好好。話梅車厘茄，酸酸地十分開胃。而燒味拼盤係必叫嘅，十分出色，燒腩仔個皮十分之香脆，比起坊間買到嘅好食，叉燒調味都好適當，無豬騷味。我地仲點左豬肺湯，雖然洗得幾乾淨，但仍然殘留少少豬騷味。鴨有兩食，分別係炒飯同片皮鴨。炒飯好香鴨味，片皮鴨整體幾清新，符合佢嘅價錢。質素黎講，逸東軒真係無得輸，好推薦大家如果要節日慶祝嘅時候食。