心選 (已結業)

放假女女喺屋企話好悶，想出街食下嘢，於是我就搵咗間cafe帶佢去。旺角choice cafe 環境好舒服，全部都係梳化位，坐在梳化上，嘆壺茶、食下嘢，聽著歌，都幾休閒。Cafe佈置得好有歐洲小屋嘅感覺，仲有超多玩具，囡囡玩到唔捨得走。飲品方面，我就叫咗一壺桂花烏龍茶，囡囡就叫咗草莓奶昔。食物就有雞肉忌廉意粉，同埋蜜糖烤雞翼。意粉幾creamy，好香滑忌廉味。雞肉醃得好入味 ，有少少甜甜地同香草味。蜜糖烤雞翼好得我同女女心，因為外皮烤得香脆，內裏嫩滑，蜜糖味香甜。同囡囡喺cafe玩咗幾個鐘 就當係假期嘅親子活動。