岩盤牛扒 ミディアムレア ステーキ (博文街) (已結業)

而家多咗好多石燒牛扒店，按重量俾錢，再放喺熱石上面俾你慢慢鋸扒。呢日就食左大角咀呢間「牛扒 ミディアムレア ステーキ Medium Rare Steak」。小店牛扒嘅選擇唔係好多，只有幾款，你只需要揀你想食嘅份量，店員就會即刻磅重，即刻切🔪小店都好似日本咁，先俾錢，食完野要拎餐盤去返卻口😆牛扒上菜時會煮到三成熟Medium Rare，亦係餐廳特色。🔸西冷Sirloin 🥩要左300g ，都幾大塊，蒜油好多，牛味都好香，肉質幾有彈性，牛扒邊都有啲脂肪，不過有啲筋。🔸後腰三角肉U.S.A. Prime Tri Tip 🥩呢款最貴，要左200g試下，同樣要左蒜油。唔大塊，不過好厚😳三角肉肉質軟腍啲，脂肪分布平均。同埋咬落幾有肉汁，牛味好濃，好正😋加埋套餐好似抵啲，有味噌湯、沙律同飲品，始終個主角係牛扒，個三角肉真係好好食😋枱上面仲有鹽同胡椒，加咗更加錦上添花😝