噹噹燒 (已結業)

其實去之前細心睇過下d食評, 發現好多非會員, 或者只係食過1篇食評既留言, 而0個d食評多數都好簡短咁話好好味咁, 都覺得有d問題架啦, 不過見佢咁多好評都走去黎試下先。我地叫左一個噹噹燒, 一個長島燒, 其實一坐底店員已經大力推薦2人套餐, 但我睇過覺得麻麻就冇叫到 , 但當我地order左2個燒餅, 再叫1個小食既時候, 店員又再大力推薦我地叫套餐, 我覺得咁樣唔係幾老實囉, 因為我地根本冇可能食得哂佢都係咁叫我地order。食物價錢都偏貴, 平均一個小食要50+, 仲貴過和民。當時只係7點左右, 店內有3枱客, 但我地都等左好耐至有野食。0個2個燒餅講真好普遍, 當然佢會好過你0係sogo食0個d, 但睇埋個價錢就真係完全唔值, 我只係食到燒餅醬既味道, 至於個燒餅入面0個d 送, 好似鮑魚, 八爪魚, 年糕, 豚肉0之類, 真係完全食唔到囉, 量少之餘, 又唔夠味, 結果就只係食椰菜同埋醬。另外老闆0係間鋪度不斷好大聲咁鬧佢0個2位伙記, 騷擾客人之餘, 不如用心鑽研改善菜式更好吧。