Joey's (已結業)

食 Joey's Cookies不經不覺已經一年多﹐很高興佢地終於開了舖。食 Joey's Cookies so far 最大問題就是番唔到轉頭﹐我自己有時間都會在家中整曲奇﹐所以對曲奇有一定認識同要求。Joey's Cookies用料同坊間好唔同﹐未食落口就已經可以見到材料之豐富﹐食落口可以感受到的層次感是香港所有其他的曲奇店都無可比美的﹐超過二十幾種餅都可以造到款款都好唔同﹐可見老闆娘公力之深厚。講到好似好誇張﹐但是我在公司好多個唔同部門同事食過都覺得好好好味。講到我自己最鍾意食的味道﹐第一位一定是杏仁脆片。杏仁脆片其實城中有幾間舖有賣﹐但是沒有一間做到好似 Joey's Cookies 咁脆﹐甜味適中﹐同杏仁片夠多。最討厭成日賣斷貨!!! 第二鍾意食的是無麵粉海鹽腰果餅。當初覺得個名好搞鬼﹐點會有餅無麵粉架?試完之後就愛上了。後來發覺老闆娘用佐燕麥粉代替麵粉﹐再加上北海道海鹽同腰果﹐味道正到爆!!!