T Club

營業中

休息中

係OpenRice見到呢個餐廳既食評唔錯，於是約埋個朋友仔上去食個晚餐。預約左7PM但自己早左到觀塘於是6點半就上到去，原來晚餐7點先開始不過店員好好人優先SERVE我重安排左個窗口位比我。原來呢度個海景VIEW咁靚，望到晒北角至中環條海岸線，我估如果維港放煙花呢度應該可以睇晒3隻躉船。原來OR訂座有送餐酒於是我叫左杯白酒嘆住先，點知個朋友臨時甩底於是唯有食自己點咗份肉眼扒(自己係牛魔王)。前菜係蜜瓜PARMA HAM唔錯，濃蘑菇餐湯跟蒜蓉包就(勁勁勁)好飲。牛扒夠大件，我叫3成熟所以好JUICY，但最正係伴菜個粒焗原隻蒜頭好食夠晒香。已經非常滿意原來餐甜品重有CRÈME BRULEE，太正了不過自己一個人食真係唔夠HAPPY，價錢唔貴下次一定會再嚟約好朋友HEA一晚。