睿日本料理 (已結業)

聖誕節老婆話要食日本餐廳，周圍都咁貴點叫嘢食啊，朋友介紹我去呢間大坑睿日本料理，話呢度有格調又好食，我就喺23號預約食先！呢間餐廳好有日本小店嘅感覺，座位唔多，有師傅坐鎮，你可以見到師傅準備食物，當日都幾多人架，座無虛席！我就叫咗個二人套餐，呢個係迷你嘅omekase，首先佢會上一個小食，就係支豆，我老婆非常之欣賞，因為佢鍾意呢個醬汁，話平時出去食只會食到鹽焗嘅，好少會有醬汁！跟住就有三款前菜，分別係芝麻醬豆腐，油金魚沙律、醬汁田螺。豆腐好滑，食咗好開胃，老婆鍾意個田螺，佢話裏面都好入味。我最鍾意個沙律，佢嘅魚生好新鮮，而且好多魚生，醬汁亦都係特別調配，前菜一流。刺身就有油甘魚，我覺得抵食嘅原因係呢度嘅刺身真係好厚切，老闆一啲都唔孤寒。炸物令到我非常印象深刻，其實我唔係好鍾意食菜，但佢炸到好香口，天婦羅本身咩都唔多，佢嘅粗同出面嘅有少許唔同，好好食而且唔油膩。牛扒通常係西餐廳食，好少喺日本omekase度食，師傅用炸蒜做調味，牛肉用鐵板煎得剛剛好，味道唔錯！櫻花蝦冷麵可以填飽我個肚，我一向大食，每一日都要食大量澱粉，呢個櫻花蝦冷麵令到我好開心，櫻花蝦嘅味道好鮮甜，冷麵清涼，食咗咁多油膩