影片
更多
2019-05-02
77 瀏覽
約左frd去尖沙咀行街食晚飯但又唔知食乜好 行行下係有d肚餓情況下經過見到依間個門面好企理 放題黎講價錢好抵食既特色打邊爐餐廳就即刻坐低左一坐低店員就好貼心咁一人派左一件好得意既圍裙俾我地著住 唔洗驚等陣食野整污糟件衫！我地揀左鴛鴦鍋，一邊係藥膳一邊係麻辣，落單時店員話因為我地係正價時段入坐所以有得送小食！落完單後就出左去裝調味料，佢有八款調味料/醬，除此之外仲有側邊擺既辣油同蠔油任君選擇。我見店員好細心打理個調味bar，食客一用完就會去清理，好抵讚！👍🏾返埋位冇幾耐個小食就到喇，依個串王酥肉配辣粉一齊上，就咁食酥肉都已經好香口，再點埋個辣粉更加香更加好味道！我地仲嗌左個甜品煉奶糍粑，糍粑外層卜卜脆，入面煙煙韌韌咁，加埋煉奶食，perfect😍食食下個鍋就到左喇，見d水未滾我地就出去拎食物。所有打邊爐必食既食物都應有盡有咁擺左係雪櫃，炸魚皮、肥牛、響鈴冇擺落雪櫃，係雪櫃隔離廚房個窗口果度問店員佢地就會拎俾你☺拎左食物返去水都開始滾，我地即刻擺食物落去！之前出去打邊爐都有試藥膳鍋，再食依間個藥膳鍋發覺依間果個藥材味足過之前食果間好多！個湯底就咁飲都好味，因為我地另一邊係麻辣鍋，所以d蔬菜
一坐低店員就好貼心咁一人派左一件好得意既圍裙俾我地著住 唔洗驚等陣食野整污糟件衫！
我地揀左鴛鴦鍋，一邊係藥膳一邊係麻辣，落單時店員話因為我地係正價時段入坐所以有得送小食！
落完單後就出左去裝調味料，佢有八款調味料/醬，除此之外仲有側邊擺既辣油同蠔油任君選擇。我見店員好細心打理個調味bar，食客一用完就會去清理，好抵讚！👍🏾
返埋位冇幾耐個小食就到喇，依個串王酥肉配辣粉一齊上，就咁食酥肉都已經好香口，再點埋個辣粉更加香更加好味道！我地仲嗌左個甜品煉奶糍粑，糍粑外層卜卜脆，入面煙煙韌韌咁，加埋煉奶食，perfect😍
食食下個鍋就到左喇，見d水未滾我地就出去拎食物。所有打邊爐必食既食物都應有盡有咁擺左係雪櫃，炸魚皮、肥牛、響鈴冇擺落雪櫃，係雪櫃隔離廚房個窗口果度問店員佢地就會拎俾你☺拎左食物返去水都開始滾，我地即刻擺食物落去！之前出去打邊爐都有試藥膳鍋，再食依間個藥膳鍋發覺依間果個藥材味足過之前食果間好多！個湯底就咁飲都好味，因為我地另一邊係麻辣鍋，所以d蔬菜類我地都擺係藥膳依邊，d菜同菇索左菜膳湯之後更加鮮甜！
個麻辣鍋就同肉類食物好夾！因為依間d食物係逐串拎，所以唔洗怕好似去其他火鍋舖咁嗌完一碟肉覺得唔好食但嗌左又唔可以唔食，最後就要俾一碟覺得唔好食既野塞飽個肚咁（相信大家都經歷過），今次我可以試哂佢咁多款食物！試左咁多款之後，我強烈推介大家一定要試佢個豬頸肉！個豬頸肉肉質勁爽脆，仲要好鮮甜，再加埋麻辣湯底既味道，我俾滿分！
我好欣賞佢用支竹籤黎串住d食物依個做法，食下食就覺得咁樣打邊爐原來真係好方便，金菇卷唔會散開，d肉放左落個鍋又唔會搵唔返，因為支竹籤一直係水面，一拎就可以拎出黎食，真係好方便！今次依間串燒邊爐好有驚喜！
張貼
