影片
更多
2022-07-24
439 瀏覽
心情唔太好，想食一餐decent少少嘅晚飯安慰一下自己，同朋友選擇咗去開咗唔算太耐嘅bifteck，去之前覺得最吸引嘅係佢有雪室熟成和牛！喺香港實在好少見！餐包，有趣嘅係佢配搭埋天婦羅海苔同埋一pat好似poopoo嘅物體！（笑）其實佢係用面豉味牛油，食落個味道完全唔衝突，反而全個前菜好夾，十分神奇！（sorry相機食後，其實佢present得好靚嘅！）呢個係Fresh Oyster Three Ways，一個係青蘋果莎莎醬+柚子泡泡（雖然一督落去就無曬xd）配生蠔、一個係和牛他他+生蠔+魚子醬（切碎嘅）、一個係炸蠔。結論係好好食！🤣 我同朋友都覺得生蠔配他他嘅味道最豐富特別～上菜嘅waiter特登介紹，呢個risotto有別於一般用意大利米，反而係用薏米去烹調，配搭龍蝦醬汁同埋龍蝦肉，口感特別，而且食落口無食普通米咁膩口。上面配襯咗A4和牛Carpaccio，同樣十分驚喜和牛味道濃郁，口感軟嫩，係令人感到十分幸福嘅一道菜！去到扒房又點可以唔食牛呢？ 本身打算簡簡單單叫個Prime Hanger Steak。本身無特別留意menu，上菜時候waiter話呢道菜原來仲配咗Dry aged
Fresh Bread with Homemade Miso Butter
9 瀏覽
1 讚好
0 留言
Fresh Oyster "Three Ways"
$258
3 瀏覽
0 讚好
0 留言
結論係好好食！🤣 我同朋友都覺得生蠔配他他嘅味道最豐富特別～
Boston Lobster French Barley Risotto
$308
9 瀏覽
1 讚好
0 留言
上面配襯咗A4和牛Carpaccio，同樣十分驚喜和牛味道濃郁，口感軟嫩，係令人感到十分幸福嘅一道菜！
USDA Prime Hanger Steak
$368
19 瀏覽
0 讚好
0 留言
果然！最後我地都俾呢個牛舌驚艷到！果種軟嫩同埋濃濃嘅牛味令我地內心小尖叫！
當然個hanger steak都好食，佢配搭以牛舌烹調嘅醬汁，濃郁之餘但又唔會搶走主角嘅鮮味，十分出色。
不過，講到全晚最令人難以忘懷嘅，一定係佢嘅甜品！（覺得佢地係被牛扒耽誤嘅甜品店LOL）
Tofu Dango with Soy Sauce Ice cream
$78
12 瀏覽
0 讚好
0 留言
個丸子食落口，就爆發中焦香，但唔係平時烤焦麵包之類嘅苦，而係香！
本身好怕甜嘅嘢有太「創新」嘅鹹口味，覺得通常都會伏，但呢個雪糕完全顛覆我諗法。個雪糕其實就好似海鹽焦糖咁嘅味道，鹹甜唔會互相搶走，而且質地軟滑，係一個好高質嘅雪糕！
Mango Sake Kasu
$78
19 瀏覽
0 讚好
0 留言
不過佢都係一個好好食嘅甜品！最上面嘅芒果雪糕feel到十分真材實料，中間白色嘅原來就係「Kasu」，問過waiter，原來就係成日喺SK II之類嘅護膚品聽到嘅「酒粕」。一食落去朋友就話「真係好sake」，酒味十分濃，好彩無醉xd。
同朋友唔算十分十分餓，所以叫咗一個appetiser，兩個main同埋兩個甜品。結果兩個女仔食剛剛好！
綜括而言，十分推薦大家慶祝紀念日、節日之類去！而且大推甜品！
題外話/補充資料：
餐廳員工上菜嘅時候都願意仔細介紹每一道菜，十分值得讚賞！
(以上食評乃用戶個人意見 , 並不代表OpenRice之觀點。)
張貼
