影片
更多
2023-05-13
509 瀏覽
2023.5.11我從來都無寫過食評，今日忍唔住要寫一篇，係我人生第一篇寫既食評😊我平時自己寫日記用開書面語，今日要用口語寫先得，希望大家睇既時候感覺親切d，哈哈！今日係一個特別既日子，我的生日，老公問我午餐想食咩？我話：「入沙田去Fantasy丫，好掛住佢地個蘑菇湯！」1330左右去到餐廳，老闆娘真是好好記性，我最近很忙碌，已幾個月無去幫襯，佢都仲記得我，主動比杯暖水我，比杯熱茶我老公。（之前還住在沙田時，我同老公差唔多每隔3-4星期左右會去幫襯一次，每次都會叫老闆娘比杯暖水我，去了幾次後，佢便記響心中了，接著每次去都認得我，會主動比杯暖水我☺️）呢個小小的舉動已經令人感到好窩心💕老闆娘很細心😊我哋點左黑松露帶子意大利飯、烤美國牛肩扒、兩個蘑菇湯、朱古力心太軟伴雪糕。我老公好鐘意食老闆整既意大利飯，自從食過一次之後，老公接著差唔多次次黎親都係食海膽意大利飯，今次試下轉口味，試黑松露帶子意大利飯，都好好味喔👍味道夠哂濃郁😋 呢個飯的特點就係咬落去有D外軟內韌的感覺，好Creamy😍今日一開始想黎，係因為掛住個蘑菇湯，講下點解咁鍾意飲佢哋既蘑菇湯先😌因為佢哋係用真蘑菇打磨出黎的，好香濃，好
我從來都無寫過食評，今日忍唔住要寫一篇，係我人生第一篇寫既食評😊我平時自己寫日記用開書面語，今日要用口語寫先得，希望大家睇既時候感覺親切d，哈哈！
今日係一個特別既日子，我的生日，老公問我午餐想食咩？
我話：「入沙田去Fantasy丫，好掛住佢地個蘑菇湯！」
1330左右去到餐廳，老闆娘真是好好記性，我最近很忙碌，已幾個月無去幫襯，佢都仲記得我，主動比杯暖水我，比杯熱茶我老公。（之前還住在沙田時，我同老公差唔多每隔3-4星期左右會去幫襯一次，每次都會叫老闆娘比杯暖水我，去了幾次後，佢便記響心中了，接著每次去都認得我，會主動比杯暖水我☺️）呢個小小的舉動已經令人感到好窩心💕老闆娘很細心😊
我哋點左黑松露帶子意大利飯、烤美國牛肩扒、兩個蘑菇湯、朱古力心太軟伴雪糕。
我老公好鐘意食老闆整既意大利飯，自從食過一次之後，老公接著差唔多次次黎親都係食海膽意大利飯，今次試下轉口味，試黑松露帶子意大利飯，都好好味喔👍味道夠哂濃郁😋 呢個飯的特點就係咬落去有D外軟內韌的感覺，好Creamy😍
今日一開始想黎，係因為掛住個蘑菇湯，講下點解咁鍾意飲佢哋既蘑菇湯先😌因為佢哋係用真蘑菇打磨出黎的，好香濃，好好飲😛
而我哋今日響埋單後，見老闆好悠閑咁行左出來同隔離枱的熟客仔傾計（其實我哋以前黎親幫襯都好含蓄，無同老闆傾過計），今次我忍唔住問下老闆個蘑菇湯係點整既？因為之前我叫老公鑽研下點整蘑菇湯，好想響屋企都有得飲好味既蘑菇湯😊老公上網睇食譜後，整左一款蘑菇湯比我飲，主要係落蘑菇、洋蔥🧅薯仔🥔去整，都好飲既，但係如果要比分老公整既蘑菇湯，就得80分；而Fantasy 既蘑菇湯係有95分！😍其實我內心係想比100分！😛扣左個5分係比佢哋有進步嘅空間，哈哈😬
言歸正傳，我想講我超感動💕估唔到我簡單問一個問題，老闆竟然傾囊相授，佢好用心咁教我老公點樣整蘑菇湯先好味！我依家仲期待緊，有一日可以響屋企飲倒老公整既近似Fantasy既蘑菇湯，哈哈😆
未講烤美國牛肩扒，牛肩扒肉質爽口有少少彈牙，好味😋，仲有佢既紫薯蓉都好有心思去整，又甜又健康🥰伴菜仲有紅蘿蔔、菜芯等等，菜都擺得靚靚，真係賞心悅目😍
最後係甜品～朱古力心太軟，焗到個蛋糕外面脆脆地，入面軟心流心，真係好正😊
我叫老公請教埋老闆點樣整，因為之前老公響屋企焗比我食既「流心朱古力」，係「唔流心」既，只係一個朱古力蛋糕🙈
老闆話焗既時間要掌握得恰到好處，先可以表層蛋糕脆香，中間鬆軟，內裡有流心朱古力的出現，口感幼滑👍仲有d訣竅要保守秘密，我就唔寫出黎啦，哈哈😉
呢間餐廳的既服務真心好好，食材又新鮮，親民既價錢食倒酒店的質素，最難得既係， 你哋真係一間好有人情味的餐廳💕支持小店👍你哋要努力丫，再鑽研多d好味既菜式，等我哋下次再黎食😋
8 瀏覽
1 讚好
0 留言
張貼
