九份飽 (蜆殼街) (已搬遷) 新店位置

公司樓下呢間台灣菜，睇住佢由裝修到開張，午餐時段實在太多人，一直未能一試。今日晏咗落樓食嘢，喜見人潮散去不用等位，即刻唔駛諗入去坐低。店舖面積不大，勝在有一大片落地玻璃，增加空間感，顯得光猛明亮，裝潢亦有不少九份的元素，不小心會錯覺置身寶島哩。好多嘢想食，好多嘢想試，終於叫咗細滷肉飯、滷青菜、蓮藕蛤蜊湯，滷肉飯雖然係細碗，滿滿一碗份量其實都幾多， 粒粒滷肉肥瘦適中，味道香又惹味，最啱送飯。滷青菜其實係燙青菜，娃娃菜煮得夠諗甜。蓮藕蛤蜊湯啱曬鍾意飲湯嘅我，好足料，蓮藕爽諗，蛤蜊肥美，湯水鮮甜。好耐無食仙草，口痕痕又追加咗個甜品。芋圓Q彈有咬口，仙草軟滑，仲有珍珠同紅豆，加埋豆奶，好味又健康！呢餐好味又滿足，下次約埋同事一齊食過。