影片
更多
2019-02-14
402 瀏覽
2019年2月13日（星期三）香港人鍾意食米線街知巷聞，在外地最掛住嘅美食，米線想必穩入三甲無疑。速食一般唔多過15分鐘， 店舖內10小辣之聲不絕於耳，此起彼落；三哥早已經將10小辣賦予實質內涵，濃淡標準不可逾越。叫咗招牌，貪佢樣樣有：過橋米線再加口水汁豬耳。阿姐好交帶，講明冇豬膶，會用火腿代替退。風頭火勢，避免食豬內臟，為顧客健康着想，三哥抵讚！豬耳好爽，伴碟花生脆卜卜，口水汁有水準但係牛肉有啲啲靱！話時話，過橋米線預咗係二人共享，上枱會送埋兩隻碗仔；飲品優惠只限一杯，再加就要比原價！姐姐帶位、落單、執枱 、送餐跟外買，一腳踢做到冇停手依然有講有笑，老闆一定對佢哋好好！三哥又有諗頭，响情人節送10小辣朱古力氹有情有義情侶開心!如果二人餐飲品都同享優惠就更好🥂
香港人鍾意食米線街知巷聞，在外地最掛住嘅美食，米線想必穩入三甲無疑。
速食一般唔多過15分鐘， 店舖內10小辣之聲不絕於耳，此起彼落；三哥早已經將10小辣賦予實質內涵，濃淡標準不可逾越。
叫咗招牌，貪佢樣樣有：過橋米線再加口水汁豬耳。阿姐好交帶，講明冇豬膶，會用火腿代替退。風頭火勢，避免食豬內臟，為顧客健康着想，三哥抵讚！豬耳好爽，伴碟花生脆卜卜，口水汁有水準但係牛肉有啲啲靱！話時話，過橋米線預咗係二人共享，上枱會送埋兩隻碗仔；飲品優惠只限一杯，再加就要比原價！
姐姐帶位、落單、執枱 、送餐跟外買，一腳踢做到冇停手依然有講有笑，老闆一定對佢哋好好！三哥又有諗頭，响情人節送10小辣朱古力氹有情有義情侶開心!如果二人餐飲品都同享優惠就更好🥂
張貼
