影片
更多
2017-12-07
2473 瀏覽
對上一次泥食已經係講緊中五。數數下都有1x 年。好記得嗰陣時同幾個中學同學一齊嚟食，仲記得特登去到後門因為當中有同學係食煙嘅。今次泥嘅時間剛剛好星期一至五，大家唔好星期六日嚟啦因為真係太多人。點左牛雜自家叉燒河粉。呢度出名嘅係有牛雜自家叉燒同埋雲吞。不過雲吞呢經常就好快賣晒，自家叉燒呢同出邊嘅叉燒分別都幾大㗎。至於牛雜呢係五香牛雜五香味道香濃。同十幾年前食都係一樣大碗豐滿。好靚而且切得好整齊嘅牛肚10年後同樣出現。河粉係少有嘅滑溜，美中不足就係啲腸比較肥膩。。。不過唔同人有唔同喜好啦。粉好多湯比較少，但湯底依然濃郁。叉燒同十幾年前食嘅都係一樣有口感唔會太肥。當然同我地現在成日食嘅西班牙黑毛豬叉燒係有好大差別，但呢種自家製嘅感覺又點會同酒店做比較呢？價錢同以前食我諗大概爭十蚊，現在攞住米之蓮名，價錢冇瘋狂飆升已經好好。欣賞係質素依舊。滿滿而且足料。唔會將貨就價。是三十多元的回憶。唔知下個10年嘅今日我會不會再次嚟到呢度？
今次泥嘅時間剛剛好星期一至五，大家唔好星期六日嚟啦因為真係太多人。點左牛雜自家叉燒河粉。
呢度出名嘅係有牛雜自家叉燒同埋雲吞。不過雲吞呢經常就好快賣晒，自家叉燒呢同出邊嘅叉燒分別都幾大㗎。至於牛雜呢係五香牛雜五香味道香濃。
同十幾年前食都係一樣大碗豐滿。好靚而且切得好整齊嘅牛肚10年後同樣出現。河粉係少有嘅滑溜，美中不足就係啲腸比較肥膩。。。不過唔同人有唔同喜好啦。粉好多湯比較少，但湯底依然濃郁。
叉燒同十幾年前食嘅都係一樣有口感唔會太肥。當然同我地現在成日食嘅西班牙黑毛豬叉燒係有好大差別，但呢種自家製嘅感覺又點會同酒店做比較呢？
價錢同以前食我諗大概爭十蚊，現在攞住米之蓮名，價錢冇瘋狂飆升已經好好。欣賞係質素依舊。滿滿而且足料。唔會將貨就價。是三十多元的回憶。
唔知下個10年嘅今日我會不會再次嚟到呢度？
張貼
