得龍大飯店 (已搬遷) 新店位置

前往原因：在新蒲崗做完公司野，會合男友後，決定食中菜。美食試食點：話梅豬手　－　見傳菜阿姐攞住碟話梅豬手行過，我同男友異口同聲話今晚一定要食呢樣菜！果然無睇錯，凍盤令人有醒胃功效。豬手口感極佳，不是肉質堅實，但未到好鬆散。話梅加少酒的配搭，令豬手有甜味，唾液不同流出。可惜的是豬手太少，唔夠喉，哈哈燒鵝半隻　－　咪睇佢好似細細碟，其實食落份量十足架！皮微脆，脂肪層不厚，但有油香。肉質堅實，沾上甜酸醬味道一流呢！啫啫生菜煲　－　以為簡單的菜式，但得龍都可以用心做好每道菜。生菜煲的蝦米很香咸水味，用煲仔的方式上菜夠風味。心急食，懶影相。得龍飯後有甜品送。服務都是舊式的老店，不是很陰聲細氣的那類溫柔服務員。相反，他們熟練的技巧同直接的溝通方式，都是令客人再光顧的原因。得龍在不是很繁華的街道上都可以守到業，全靠是真才實料。有時間可試下他們的金錢雞，咕嚕肉，燒味，都係我喜歡的菜式。