影片
更多
2012-03-15
15 瀏覽
話說我今日同埋我老婆一齊去呢間咁有特色ge舖頭食晏,但由坐低到走人都係25分鐘內搞掂,仲快過去食大家樂,究竟點解呢?話說我同老婆一食完碗拉麵,班友仔就即刻收咗你啲碗跟手就好自動波咁叫我哋埋單,我話我都無叫埋單,但佢話公司規矩係咁,咁我就問埋咗單可唔可以繼續坐,佢話唔得,我再問飲埋杯水先得唔得,佢就唔出聲.我好欣賞佢嗰種用沈默嚟迴避問題呢種方法,既然係咁,我唯有以後都唔幫襯你.坐我哋隔離嗰個西人仲正,剛剛放低筷子,碗都未收張單就殺到嚟,真係掂過碌庶,其實我應該感到欣慰,因為佢對我哋好過嗰兩個西人,話晒都收咗碗先埋你單...........做生意做到你咁,不如淨做外賣咪仲好...............作為一個顧客,我會同時著重食物同服務質素,缺乏任何一種都係死罪!
張貼