影片
更多
2018-09-11
143 瀏覽
終於黎到食「倫哥」！其實佢都已經有好幾間分店，但為左就另一半，就黎左元朗呢一間，佢位於1樓，一上到去，有耳目一新既感覺！望落去完全唔似食雞煲既地方，真係有啲似茶樓、住家私房菜既FEEL，佢仲有間房，好好彩今日被分到入房既位置，房內得三枱，比出面靜少少，傾計唔洗好大聲先聽到，亦都感覺私隱度高啲海鮮火鍋尚品無限時任食 $318/位 (星期期五至日、公眾假期及前夕每位加$10 (只收現金))包括：1.刺身拼盤、2.계절 전채(季節套餐)、3. 阿嬤雞煲、4.自選鍋底、5.環游海鮮盤、6.無與「倫」比牛頸脊、7.手切黑豚肉、8.黑松露手打黑白雙丸、9.阿媽雲吞水餃、10.低鹽少油響鈴魚皮、11.田園有機時蔬、12.真的假不了第一時間當然係出左去拎野飲先，呢到既野飲係自助都分左汽水類同非汽水類兩個櫃，今晚咁熱氣，我就拎左佢地既自製涼茶，飲落少少苦唔會好甜問左你雞煲要幾辣之後，首先就黎左兩碟前菜麻辣木耳、豆角唔辣，但做前菜涼盤都OK之後就上刺身拼盤呢個就冇得Refill ，每枱只得一盤，有三文魚、帶子、甜蝦、北寄貝，質素正正常常。阿嬤雞煲要每隔2分鐘炒一炒，仲要分4次炒，不過店員會幫你炒唔洗驚。
其實佢都已經有好幾間分店，但為左就另一半，就黎左元朗呢一間，佢位於1樓，一上到去，有耳目一新既感覺！
望落去完全唔似食雞煲既地方，真係有啲似茶樓、住家私房菜既FEEL，佢仲有間房，好好彩今日被分到入房既位置，房內得三枱，比出面靜少少，傾計唔洗好大聲先聽到，亦都感覺私隱度高啲
海鮮火鍋尚品無限時任食 $318/位
(星期期五至日、公眾假期及前夕每位加$10 (只收現金))
包括：1.刺身拼盤、2.계절 전채(季節套餐)、3. 阿嬤雞煲、4.自選鍋底、5.環游海鮮盤、6.無與「倫」比牛頸脊、7.手切黑豚肉、8.黑松露手打黑白雙丸、9.阿媽雲吞水餃、10.低鹽少油響鈴魚皮、11.田園有機時蔬、12.真的假不了
第一時間當然係出左去拎野飲先，呢到既野飲係自助
都分左汽水類同非汽水類兩個櫃，今晚咁熱氣，我就拎左佢地既自製涼茶，飲落少少苦唔會好甜
問左你雞煲要幾辣之後，首先就黎左兩碟前菜
麻辣木耳、豆角
唔辣，但做前菜涼盤都OK
之後就上
刺身拼盤
呢個就冇得Refill ，每枱只得一盤，有三文魚、帶子、甜蝦、北寄貝，質素正正常常。
阿嬤雞煲
要每隔2分鐘炒一炒，仲要分4次炒，不過店員會幫你炒唔洗驚。點左中辣，睇色澤幾靚仔咁，不過味道就需要改善，因為真係一啲都唔辣，同埋唔入味，不過雞肉算嫰，不會好韌好“鞋”，同埋佢有個好處，就係連雞煲都係任食，加上佢唔會比好多份量你，係按人頭比雞既數量，唔怕佢會特登“則”飽你，但另一半食量比較勁，我地都加左一次雞，第二次點大辣，但係比起頭先中辣更加唔辣，完全係得甜味，好岩食唔到辣既人黎食
魷魚腳、牛栢葉、豬皮
隨雞煲送上的魷魚腳、牛栢葉、豬皮，會叫你食到一半先加落去，魷魚腳幾有咬口，牛栢葉掛汁，豬皮就一般
食飽雞煲之後，店員會問清楚你仲加唔加雞，因為呢到係「蘇州過後冇艇搭」，食完雞就完換打邊爐既鍋，如果食食下你想返轉頭食返雞煲，唔係唔得，不過係要加$80/位
確認食完雞煲之後，會上一客糖水，等你下下火，同為食邊爐打定個底
黑糖涼粉
黑糖涼粉
12 瀏覽
0 讚好
0 留言
估唔到連食倫哥我都離不開黑糖～係透明既水晶涼粉，食落去凍凍地滑嘟嘟幾舒服
自選鍋底——溫泉雞鍋
溫泉雞鍋
20 瀏覽
0 讚好
0 留言
其實佢既宣傳單張上係寫有幾款鍋底可以揀，例如北海道3.6牛乳豬骨鍋，我都幾想試牛乳湯鍋，但出奇地見到枱枱都係食同一款鍋底，就係「溫泉雞鍋」，事關店員其實都唔會問你你想要咩湯底就會直接上呢款比你，可能係要自己要求先會比其他湯底你掛？不過好在呢個鍋都幾吸引，中間放左個冬瓜盅，店員會等湯鍋滾起之後幫你拆雞肉，之後叫你將雞肉移到冬瓜盅外圍，而烚海鮮就可以放係冬瓜盅入面烚，因為得冬瓜盅個範圍會滾起，亦可以令啲湯更加鮮甜。一呷個湯底幾香椰子味，唔油，清清地真係唔錯，同埋幾清甜，亦會附上一樽湯底比你自己加
環游海鮮盤據
環游海鮮盤
12 瀏覽
0 讚好
0 留言
餐紙上寫包括：鮮鮑魚、蟶子、沙井蠔、鴛鴦海蝦、龍躉片、脆鯇魚、魷魚、刀貝、鑽石蜆、沙白(海鮮沒有劃一，每日6-9款時令海鮮)。呢個海鮮盤唔係樣樣可以任食，例如鮮鮑魚、蟶子、鑽石蜆等等呢啲就冇得任食，想再食就要加錢。今日既海鮮亦有半隻蟹，所有海鮮都屬新鮮，配上清雞湯已經足夠清甜，湯底亦多左份鮮味。當中既海蝦、龍躉片最吸引，前者大大隻，亦都好彈牙，後者口感爽脆，好似食魷魚咁。
無與「倫」比牛頸脊
打邊爐又點少得牛，呢盤牛頸脊亦係只得一盤，想要食就要加錢。比起肥牛更有質感，咬落起肉質都鬆軟，亦會吸左少少湯底
黑松露手打黑白雙丸
黑松露手打黑白雙丸、田園有機時蔬
13 瀏覽
0 讚好
0 留言
係黑松露蝦滑，食落去黑松露不太重，但係好彈牙
阿媽雲吞水餃
有三款，分別係高麗菜水餃、韭菜水餃同雲舌。但係真係比較遜色，個皮仲係好黏，用夾夾起佢放入爐既時候會痴住同好易爛，食既時候亦覺得層皮比較一般
低鹽少油響鈴魚皮、響鈴
都屬一般之作，魚皮叫第二次既時候居然送左一籃稔哂既魚皮比我地……係完全咬唔開果種…同店員講即刻換返一兜新既而且係脆口既比我地，好在店員態度一向都好好，而響鈴亦炸得唔夠脆口
北海道3.6牛乳燉蛋白燕窩
最後食完又會送多野甜品！幾滑唔會太甜
可以問店員睇下任食MENU 有啲咩
最尾仲加多左一次海蝦～其實真係好夠食，留意到都冇乜幾枱會加野食，但我地就食左2次雞煲，食哂所有野同埋再加左4隻海蝦～可想像到我地既食量之大，食物質素唔會話特別好，始終三百幾蚊又食雞煲又食海鮮，仲要大部分都係任食，而且店員全程招呼，會幫你炒雞煲、拆雞肉，又會時不時問你洗唔洗加野食，再加上唔限時！所以一大班朋友黎係不錯既選擇
張貼
