堅韓牛韓燒放題 (已結業)

由於想食韓燒，所以係Mee度搵咗呢間舖頭，再上OpenRice見到都好多個舔舔脷公仔，所以嚟試下，點知係伏中之伏⋯入座嗰陣已經覺得啲員工好似行屍走肉咁，不過考慮到當時已經8pm，都理解。然後望一望四周啲食客個個都目無表情，已心感不妙⋯🥶我哋叫咗中價嗰個乜乜三國套餐，佢係包啲平價嗰個餐嘅美國牛任食，同一碟咩A4和牛同啲唔知咩牛（我無仔細聽😅有興趣嘅自己去望下menu）。先講嗰碟聽落威威嘅和牛，首先我無影相，亦都分唔到佢邊件打邊件，但總括嚟講就係鞋口同無味，無錯，係一啲牛味都無，睇落係幾靚，但一啲味都無，唔好問我點做到，因為我唔想知。🙂食完呢個下馬威之後，我哋就將希望寄託係啲美國牛度，同上面嗰碟一樣都係睇落雪花均勻，排得靚靚仔仔咁嚟，希望之火重燃咗一絲微光。🤩呢個時候，記憶中開始出現一啲斷層，聽講人係會自動刪除一啲唔開心嘅記憶，但仲隱約記得幾個字眼嘅，例如一係就無味丫，一係就重咸丫，唔係就咬唔爛丫咁⋯🤯至於其他嘅豬頸肉韌到開唔爛丫，啲蝦唔新鮮丫，魷魚無味丫，芝士雞翼臭雞腥味丫等等⋯真係罄竹難書。😇不過都唔係無一樣嘢可以落肚嘅，例如個唔知雞脾菇定杏鮑菇嘅嘢，又例如翠玉瓜，或者係菠蘿，同埋碗雪