影片
更多
2006-09-19
26 瀏覽
永遠唔會再有下一次..............琴日, 突然好想食潮州野, 於是上左openrice到search, 比我search到創發, 網上既評價好高, 於是, 我就懷住興奮既心情去食我喜歡既胡椒湯...........一去到, 都預左環境一般, 只要好食就得啦...........今餐食左============胡椒豬肚湯 - $ 30鼓椒炒聖子- $ 80蠔餅 - $ 40-50吊桶炒蘭芯- $ 40-50胡椒豬肚湯- 不外如是, 無咩特別, 胡椒味唔濃, 超失望, 如果唔係有胡椒湯都唔會來..鼓椒炒聖子- 平心而論, 味道同其他大排擋無咩分別, 都ok, 但係都唔駛咁貴呀! 黎個價錢已經食到兩個了..... 蠔餅- 都幾好食, 雞蛋餅好好味, 蠔都幾大隻, 可能d蠔唔係太熟, 食完之後仲肚瀉tim.....吊桶炒蘭芯- 一樣, 味道同其他大排擋無咩分別, 但係好細碟.......重點..............阿姐成日"對"d野食(細細碟)過來話請你食, 原來係要收錢既. 收錢都算, d質素奇差, 好似係d人食剩咁, 見到都唔想食, 最初, 真係以為唔收錢
琴日, 突然好想食潮州野, 於是上左openrice到search, 比我search到創發, 網上既評價好高, 於是, 我就懷住興奮既心情去食我喜歡既胡椒湯...........
一去到, 都預左環境一般, 只要好食就得啦...........
今餐食左
============
胡椒豬肚湯 - $ 30
鼓椒炒聖子- $ 80
蠔餅 - $ 40-50
吊桶炒蘭芯- $ 40-50
胡椒豬肚湯- 不外如是, 無咩特別, 胡椒味唔濃, 超失望, 如果唔係有胡椒湯都唔會來..
鼓椒炒聖子- 平心而論, 味道同其他大排擋無咩分別, 都ok, 但係都唔駛咁貴呀! 黎個價錢已經食到兩個了.....
蠔餅- 都幾好食, 雞蛋餅好好味, 蠔都幾大隻, 可能d蠔唔係太熟, 食完之後仲肚瀉tim.....
吊桶炒蘭芯- 一樣, 味道同其他大排擋無咩分別, 但係好細碟.......
重點..............
阿姐成日"對"d野食(細細碟)過來話請你食, 原來係要收錢既. 收錢都算, d質素奇差, 好似係d人食剩咁, 見到都唔想食, 最初, 真係以為唔收錢, 見佢成日"對"過來, 就問下佢d野食收唔收錢, 點知, 佢就好惡咁答:" 黎到樣樣野食都要收錢既! ", 好似覺得我係乞丐, 我仲以為自己係黎乞食既tim...........
一心諗住快d食完就走人, 因為對黎間食店既感覺唔多好, 好似入左謀人寺咁, 到找數既時候, 諗住可以鬆一口氣, 點知, 個侍應話自己唔收茶芥, 要求我地比tips, 我地話無散銀, 但係佢都唔肯走, 好似係我地做錯事咁, 唔比就出唔到黎個門口, 為左快d離開此店, 比左幾元佢就走人啦!!!! 離開之後真係如釋重負.
今次真係失望, 一定冇下次!!!!!!!!!!!!!!!!!!!!
張貼