新樂園魚蛋粉 (已結業)

今晚(27/8)我同個家姐個女玩完ｘ險樂園過黎食野，由於很多舖頭都關門，故我地踩入去食啦～入到舖頭都差唔多打烊，我地快脆咁叫左下面食物：１．紫菜牛丸麵２．牛肚麵３．魚皮４．腐乳通菜５．兩杯凍檸茶牛肚麵的麵有鹼水，結果都放了一湯匙的醋。牛肚係金錢肚，爽口。至於湯底都可以，我唔會將佢同合利、大利比，因為都係個句「一分錢一分貨」，唔通收了十元八塊就同你落山珍海味？紫菜方面都屬一般貨色，牛丸反而不錯，魚皮唔似係大批交黎賣個種，有些少胡椒上面，不錯，但可以有進步空間。腐乳通菜亦都係咁上下，腐乳醬我嫌佢太甜。計埋單都係$51，講真碗麵唔細碗，港島區黎講都差唔多啦。