千之壽 (已結業)

我都去過千之壽食野丫，佢依家又開多間丫，不過等我講左一樣先一樣啦~去過大坑渠果間，服務態度我冇咩評價，可能自己本身都係有禮貌既人，所以暫未比人用唔好既態度對待過啦~佢果到係好晒，果日同男有shopping完去食，我d野都好無奈咁放係台底，咁冇辦法啦，人地地方細，如果我放晒係條路中間又真係唔係咁好既~野食方面，我就會用好好既評價比佢囉，d野大舊抵食，炸野都好好食，同埋果d咩炒菜都ok，最緊要係佢個沙律大碗到暈，正!!咁好啦，前幾日再去識喎，要等位，我男友又未到喎，係一早知佢要人齊先入得，不過諗住早d拿飛丫嘛，係到等我男友果陣，裝到佢地張menu有分店，咁我就問下果waitress果邊會唔會有位啦，佢就話果邊好大既，一定唔洗等位，咁我就過左去喇~佢間分店都係元朗既，係元朗劇院斜對面~ 一去到，嘩~~~ 咁鬼死大間既~~~ 一去到有位啦，又唔洗等齊人坐，等埋男友叫野食啦~ 野食就一樣好味啦~ 服務態度都唔錯啵，又唔趕客走，唔會話好快收晒我d野丫咁，整體都好舒服~~!如果大家係咁唔滿意坑渠果間，不如試下佢呢間分店丫，真係覺得唔錯架~地址我唔知，我淨係記得係劇院對面，果2日行開拿到卡片再post