影片
更多
2018-01-22
476 瀏覽
見佢新開張，兩口子去食，雖然款式唔算多，但裝潢都叫唔差，即管試下。入到去，真係嘩一聲，地下污糟到一個點，又無人清潔。唔梗要，坐去第二到。個侍應隨即拎咗兩杯野黎，個色水似茶，一飲，咸過汁。問侍應係咩嚟，話係日式魚湯，🤦🏻♀🤦🏻♀我真係滴汗。聽完係魚湯，我本住再次挑戰既心態小呷一啖，一小小小小啖⋯⋯sorry 我真係接受唔到。見佢價錢唔係話勁平，我哋每人叫左一個意粉，各加一個餸。先上枱係煙肉蒜香蕃茄意。係，係叫蕃茄意，因為係要咁叫先配得起呢種茶餐廳式煮法既意粉。其實上左枱，已經想埋單，因為見到都唔係幾開胃，有人想減肥可以黎幫襯。而且，個份量係同下午茶餐差唔多，如果性價比低都一個特色，我諗新假期都可以黎介紹返。第二碟係明太子意。同蕃茄意相比，呢一碟更加將餐廳既特色發揮得淋漓盡至，一樣都係無味。呢兩碟意唯一帶比我既唔係温飽，係空虛。我未試過食完一餐係可以咁肚餓。我地無叫飲品，叫左兩杯水。杯仔細細，仲要得半杯。就算去茶記，再過份啲，去澳牛都唔會比杯水你係得一半掛。唔緊要，我見張單$99，呢個價錢，唔要求咁多，最多去食多一餐。去到cashier，再睇睇張單，原來有加一。心諗，紙巾都無張，加一⋯
入到去，真係嘩一聲，地下污糟到一個點，又無人清潔。唔梗要，坐去第二到。
個侍應隨即拎咗兩杯野黎，個色水似茶，一飲，咸過汁。問侍應係咩嚟，話係日式魚湯，🤦🏻♀🤦🏻♀我真係滴汗。聽完係魚湯，我本住再次挑戰既心態小呷一啖，一小小小小啖⋯⋯sorry 我真係接受唔到。
見佢價錢唔係話勁平，我哋每人叫左一個意粉，各加一個餸。
先上枱係煙肉蒜香蕃茄意。係，係叫蕃茄意，因為係要咁叫先配得起呢種茶餐廳式煮法既意粉。
其實上左枱，已經想埋單，因為見到都唔係幾開胃，有人想減肥可以黎幫襯。而且，個份量係同下午茶餐差唔多，如果性價比低都一個特色，我諗新假期都可以黎介紹返。
第二碟係明太子意。同蕃茄意相比，呢一碟更加將餐廳既特色發揮得淋漓盡至，一樣都係無味。
呢兩碟意唯一帶比我既唔係温飽，係空虛。我未試過食完一餐係可以咁肚餓。
我地無叫飲品，叫左兩杯水。杯仔細細，仲要得半杯。就算去茶記，再過份啲，去澳牛都唔會比杯水你係得一半掛。
唔緊要，我見張單$99，呢個價錢，唔要求咁多，最多去食多一餐。去到cashier，再睇睇張單，原來有加一。心諗，紙巾都無張，加一⋯⋯
張貼