影片
更多
2016-01-19
2253 瀏覽
真係好難得遇到一班都鍾意食韓國嘢嘅朋友，一行7個人去食芝士炒雞。就係因為夠多人所以可以叫到幾樣嘢。食咗 芝士辣炒雞，炸雞 同炒豬肉。全部都幾好食架，所有呢啲大大鑊都會係你面前即刻煮， 所以記得問佢攞番條圍裙咁就唔怕整污糟。炒雞嘅過程都幾好睇，又炒，又火槍燒，由於係即場炒，所以你可以將你鍾意嘅口味同佢講，講真真係唔好怕辣，因為要食韓國口味嘅話，真係要辣先至過癮，連幫我哋炒嘅大媽都話唔辣邊過癮架。成份芝士炒雞，有一半係蔬菜，一半係雞，仲有好多芝士。味道係唔錯架，雞肉都好好味，記得要加年糕， 因為個啲醬，芝士，加埋年糕真係好好食。見到我哋個空鑊，都知有幾好食，不過由於我哋食得太乾淨，所以店員都唔建議我哋加炒飯，所以如果你係要加炒飯，咁你記得起碼留返1/3，但佢有料炒飯啦。炒豬肉就無影到相，因為成班餓鬼淨係掛住掃，不過我就覺得炒豬肉就一般般，因為係唔辣嘅，所以食落其實就係好似普通豉油蠔油炒豬肉咁，不過係偏甜，始終韓國人嘅口味唔係辣，就係甜。都好食嘅，不過唔特別囉。至於炸雞，我覺得都唔錯，唔會太辣，如果juicy 少少就好喇。件數都好多，7個人，每個人都食到兩三件。如果真係得兩個人食，真係一個芝
就係因為夠多人所以可以叫到幾樣嘢。
食咗 芝士辣炒雞，炸雞 同炒豬肉。
全部都幾好食架，所有呢啲大大鑊都會係你面前即刻煮， 所以記得問佢攞番條圍裙咁就唔怕整污糟。
炒雞嘅過程都幾好睇，又炒，又火槍燒，由於係即場炒，所以你可以將你鍾意嘅口味同佢講，講真真係唔好怕辣，因為要食韓國口味嘅話，真係要辣先至過癮，連幫我哋炒嘅大媽都話唔辣邊過癮架。
成份芝士炒雞，有一半係蔬菜，一半係雞，仲有好多芝士。味道係唔錯架，雞肉都好好味，記得要加年糕， 因為個啲醬，芝士，加埋年糕真係好好食。見到我哋個空鑊，都知有幾好食，不過由於我哋食得太乾淨，所以店員都唔建議我哋加炒飯，所以如果你係要加炒飯，咁你記得起碼留返1/3，但佢有料炒飯啦。
炒豬肉就無影到相，因為成班餓鬼淨係掛住掃，不過我就覺得炒豬肉就一般般，因為係唔辣嘅，所以食落其實就係好似普通豉油蠔油炒豬肉咁，不過係偏甜，始終韓國人嘅口味唔係辣，就係甜。都好食嘅，不過唔特別囉。
至於炸雞，我覺得都唔錯，唔會太辣，如果juicy 少少就好喇。件數都好多，7個人，每個人都食到兩三件。
如果真係得兩個人食，真係一個芝士辣炒雞加炒飯應該夠晒。
呢間舖唔大，服務一般啦，佢同你炒雞個時都好好人，不過要佢俾位你果時就麻麻，又話未夠鐘就未入得，就算張檯係空嘅，仲有原来係有前菜架，不過佢後尾先發現我哋冇，先補返。所以招呼都係一般啫。
張貼
