大澳德發 (已結業)

行過見呢間係炮台山站嘅小菜館居然主打大澳菜 都幾過癮喎 又試試😂裝修都係基本茶餐廳既格局 但新淨同光猛 侍應同食客有講有笑 感覺幾有本土風情menu又係好多頁 抽幾頁嚟影 基本上我哋係跟住餐紙上面嘅推介嚟嗌😂 唔好講笑佢啲菜式都真係幾有大澳蜑家人嘅感覺 樣樣都好似好正曬冷！我哋嗌左嘅小菜一覽例湯好大碗地寶魚湯鮮腐竹浸時蔬先來一個清清地既菜 用上水人最愛嘅地寶魚湯浸 十分有十分鮮味 而且相當入味 good🧐金磚脆豆腐拼墨魚餅相當大份😂炸豆腐又香又脆 但係入面好嫩滑墨魚餅都一樣 唔好比香脆既外表呃左 入面係相當彈牙爽口既墨魚肉 配埋個酸酸甜甜嘅醬 意外地清得哂麻辣花甲雞煲茨汁非常夠味 香味濃郁嘅麻辣一向最岩我心水 花甲雖然唔係太大隻 但係勝在每隻都好鮮味 炒蜆就聽得多 估唔到花甲同雞煲嘅汁一齊炒又別有一番風味😳雞就非常出色 拍得住出面既重慶雞煲 送飯更加係一流🤭兩杯飲品 自家製檸檬薏米水同鹹檸七 薏米水生津解渴又下火 足料到半杯都係薏米lol