影片
更多
2018-11-11
2585 瀏覽
話說我今日生日，男朋友喺外地陪唔到我慶祝，所以揀左好耐終於揀到呢間可以online order又有online payment，啲蛋糕個樣靚靚仔仔(睇相好似)，仲有埋送貨服務嘅蛋糕舖。而我本人都喺instagram follow左佢好耐，但一直無機會試，所以一開始都幾期待。點知我男朋友話online order寫delivery限港島/九龍，之後輸入我屋企地址(家住九龍東選區）一定係九龍區！結果話我屋企唔係可以送嘅地點，要自取。ok，fine！自取都得，本身set pick up time係5到6pm。但驚我/朋友遲左放工，想改pick up time至中午，所以提前2日問可唔可以改時間。男朋友連續三日打電話問灣仔分店有無得拎，第一日打左3次，無人聽；第二日打左4次，3次都無人聽，唯一一次問到野，個staff答「你聽朝早啲去門市等，睇下個蛋糕到左未」然後就cut左線。嘩 真係唔該曬！我全日無野做，淨係一早去你門市等蛋糕咩...到左今日朝早11點，我男朋友再打過去，今次喺website搵到佢個office電話，打過去終於有個正常態度嘅staff答「啲蛋糕正常黎講1點鐘就會送到灣仔分店」結
而我本人都喺instagram follow左佢好耐，但一直無機會試，所以一開始都幾期待。點知我男朋友話online order寫delivery限港島/九龍，之後輸入我屋企地址(家住九龍東選區）一定係九龍區！結果話我屋企唔係可以送嘅地點，要自取。ok，fine！自取都得，本身set pick up time係5到6pm。但驚我/朋友遲左放工，想改pick up time至中午，所以提前2日問可唔可以改時間。男朋友連續三日打電話問灣仔分店有無得拎，第一日打左3次，無人聽；第二日打左4次，3次都無人聽，唯一一次問到野，個staff答「你聽朝早啲去門市等，睇下個蛋糕到左未」然後就cut左線。嘩 真係唔該曬！我全日無野做，淨係一早去你門市等蛋糕咩...到左今日朝早11點，我男朋友再打過去，今次喺website搵到佢個office電話，打過去終於有個正常態度嘅staff答「啲蛋糕正常黎講1點鐘就會送到灣仔分店」結果朋友準時放工，可以幫我拎蛋糕，都廢事提早去浪費生命。
好啦，服務態度不佳，我都諗住蛋糕味度應該唔差掛，話曬都用左千幾蚊買1個1磅蛋糕。(lady m原個蛋糕都係750，呢個蛋糕計埋匯率都成千五蚊)哈，我睇到呢個千五蚊蛋糕嘅第一眼就已經有啲失望，面嗰3枝花竟然係好平價嘅桔梗。桔梗唔係唔靚，但原圖係花色好靚嘅花，都已經有少少貨不對辦啦，再睇真啲張相，原來個蛋糕個design仲有some rose strokes at the bottom of the cake(原文嚟架)而我個蛋糕係乜都無嘅，只有粉紅色cream。好啦，當我要求高，相同現實不符是常識吧。咁我公平啲，當自己乜都睇唔到，認真品味個蛋糕啦。
white chocolate mousse加passion fruit jam味道普通，真係無乜野好驚艷，個底so called係short bread，但似係一塊普通餅濕到一pat泥咁。最後，最經典係個macaron，真係好神奇架！正常macaron係外脆內軟，佢竟然可以整到粒咁硬嘅macaron，我用口咬到中間feel到咬唔入，用叉試下劈開佢，劈左十幾秒都唔爛，真係好犀利架！有片為證，可惜呢度未有得upload video，只好cap幾張相，由01秒劈到05秒架！
總括而言，大家想感受非一般客服體驗同千幾蚊買一肚火嘅經驗，我真係歡迎你地啊！而我就會將第一個千字食評同一個生日願望分俾呢間舖頭，希望呢間野改進客服同蛋糕質素。我本人食過一次就可一不可再了。
$1500
135 瀏覽
1 讚好
0 留言
無堅不摧 macaron
$1500
84 瀏覽
0 讚好
0 留言
張貼
