影片
更多
2018-08-12
781 瀏覽
幾乎每次嚟葵涌廣場都只係識掃街嘅我哋, 今日終於有一個突破：就係嚟試下呢個孖寶車仔麵喇其實每次行街經過呢度都會聞到超香嘅滷水味, 成日都會心郁郁想一試, 而家終於都有機會啦, 平時冇乜點為意, 原來佢哋都幾犀利, 好似佔咗三個舖位, 仲要全部舖位都好多人幫襯。職員都好夠人, 大部分都係媽媽級, 佢哋全部都好好禮貎, 我哋一嚟到已經招呼我哋坐低, 仲問我哋位置好唔好, 雖然呢度冇富麗堂皇嘅裝修, 只係一間感覺地踎嘅店舖, 所以我哋其實坐邊度都冇所謂啦, 同埋咁先至感覺到地道嘅香港情懷睇一睇餐牌, 呢度嘅車仔麵餐係$44蚊包三個餸, 之後再加就$8蚊一款啦, 已經有番咁上下年紀嘅我, 雖然已經覺得唔係好平, 但係要理性地用現今社會嘅物價指數嚟睇, 呢個價錢已經好合理喇。拎起點餸紙一睇, 嘩！好多種類呀！數一數有成51款咁多！咁多種之中只係得3款係需要另加$4蚊, 如果有選擇困難症嘅朋友真係唔知點算喇呢度菜式應有盡有, 連奄尖嘅朋友都唔洗怕啦, 應該總有一款係啱你心水嘅。雖然平日我一餐嘅份量只係食好小嘢, 食車仔麵通常都只係會揀兩樣餸, 但呢度款式太多, 令我都不禁畫咗四個餸分別係豬紅+花枝
睇一睇餐牌, 呢度嘅車仔麵餐係$44蚊包三個餸, 之後再加就$8蚊一款啦, 已經有番咁上下年紀嘅我, 雖然已經覺得唔係好平, 但係要理性地用現今社會嘅物價指數嚟睇, 呢個價錢已經好合理喇。
拎起點餸紙一睇, 嘩！好多種類呀！數一數有成51款咁多！咁多種之中只係得3款係需要另加$4蚊, 如果有選擇困難症嘅朋友真係唔知點算喇呢度菜式應有盡有, 連奄尖嘅朋友都唔洗怕啦, 應該總有一款係啱你心水嘅。雖然平日我一餐嘅份量只係食好小嘢, 食車仔麵通常都只係會揀兩樣餸, 但呢度款式太多, 令我都不禁畫咗四個餸分別係豬紅+花枝條+菜肉雲吞+五香豬頸肉怕肥嘅關係我唯有揀米粉丫, 而湯底呢我見佢有秘製汁所以都決定一試。我唔記得影低阿肥點咗啲乜🤭不過聽佢講佢都係揀咗四個餸：花枝條啦魚片頭啦魚皮餃啦同埋貢丸添, 但佢就揀咗粗麵同埋清湯底, 仲話要加隻滷水雞批認真大食, 仲叫咗杯凍檸茶走甜添。職員姨姨好好人呀, 佢本來問我飲乜嘢我話唔要㗎喇, 但佢話係送㗎你揀啦咁我唔客氣啦我都叫番杯熱檸茶先～
首先嚟到嘅係隻滷水雞批, 因為本身已經係熟㗎啦只係一直都喺個大電鍋裡面滷住熱住, 上枱嘅同時仲會提供埋隻膠手套俾你方便進食。阿肥話味道好好, 滷水入哂味, 雞肉亦彈牙嬌嫩, 仲有就係size都幾大隻, 同阿肥隻手差唔多, $18蚊一隻, 抵食！
之後就輪到我碗麵嚟到啦嘩好足料喎⋯⋯我本身畫四個餸都一心諗住佢可能每款都應該一兩件嘅姐, 嚟到之後令我好驚喜呀, 豬紅都有五六件, 質感好實, 亦好入味, 將啲米粉同秘製汁撈埋放入口, 米粉好爽粗幼度適中, 証明係靚米粉來, 而烹煮時間亦啱啱好秘製汁湯底真係好好味, 唔辣嘅, 值得一試五香豬頸肉都有四, 五塊, 一樣係醃得好味道, 不過略為較乾身但都唔算硬嘅, 厚簿適中菜肉雲吞相比之下味道就失色咗小小啦因爲個外皮較厚, 不過佢有兩隻喺入面我已經好高興花枝條令人好驚喜呀, 數量有五, 六條不特止, 仲要超好食, 質感彈牙好似花枝滑咁實在係頂瓜瓜呀好味到成碗都食哂, 唔做大嘥鬼
最後要讚嘅係連杯檸茶都好出色, 茶膽靚, 唔澀唔鞋, 連檸檬都唔慳有成四塊咁足
唔係淨係我一個人讚好㗎, 連阿肥佢都一樣清哂成碗麵, 食到lam lam脷, 問佢好唔好味佢都話正呀, 佢嘅評語只係話啲粗麵鬆散咗啲有啲難夾, 但總括嚟講佢都好滿意好滿足。我望一望佢嘅清湯湯底, 一啲都唔油, 應該都係唔錯
最後想提嘅一樣嘢係每碗麵佢都會奉送生菜一兩塊嘅, 雖然唔係話好多但係佢呢個舉動都可以令人更加心滿意足了。
真心覺得住喺呢度附近嘅居民真係有口福啦
滷水雞批
$18
20 瀏覽
0 讚好
0 留言
滷水雞批
$18
13 瀏覽
0 讚好
0 留言
凍檸茶
$2
22 瀏覽
0 讚好
0 留言
四餸車仔麵
$52
16 瀏覽
1 讚好
0 留言
四餸車仔麵
$52
14 瀏覽
1 讚好
0 留言
張貼
