Kimchi Korean Fusion

營業中

休息中

成條街啲舖頭都排晒隊，得依間有位，就諗住大家都係韓國嘢應該唔會差太遠，然後入咗去試吓，點知真係中曬伏。首先，啲嘢食一啲都唔好味，甜辣炸雞係就咁原味炸雞點少少醬。人蔘雞湯完全冇味，好似白烚雞咁，紫菜粉絲卷啲粉絲係一pat嘢咁，仲要得個四條，所有嘢價錢都唔平。啲嘢已經唔好食，服務仲要超級差，啲嘢全部要嗌兩次，啲人好似發緊夢咁。明明仲剩返半隻雞，佢行過就問收得未，好似想講你走咁，但明明出邊冇人排隊。有條友收野嘅時候仲要倒瀉水落我度，然後完全冇諗住道歉，感覺超級差。終於知道點解成條街得依間野冇人排隊，超級後悔入咗依間野度食。因為啲嘢食太核突，一張相都冇影。