小胖台灣麵

營業中

休息中

聽講千色匯開咗新台灣嘢叫小胖台灣麵，是晚就同朋友嚟試下佢先😋八點左右嚟到，雖然唔使等位，但店內都坐滿人，氣氛唔錯喎。快快脆脆掃code落單先，麵食選擇幾多，唔想食麵嘅話都有幾款便當，食台灣嘢當然要有台式嘢飲添啦。⭐招牌三寶牛肉麵朋友叫咗個招牌三寶牛肉麵，賣相唔錯喎，好足料滿滿一大碗，三寶就係牛肉、牛筋、牛肚，仲有紅蘿蔔、白蘿蔔、青菜等配菜，色香味俱全。牛肉軟淋入味，蘿蔔好清甜，湯頭帶有濃濃嘅蕃茄味，仲有少少辣味，鹹甜酸辣好好飲，麵條又有咬口，吸滿湯汁勁好食🤤朋友話正到冇得彈，連湯都飲曬。⭐雞排皮蛋醬滷肉香蔥乾拌麵自己就叫咗乾拌麵，麻醬、川辣同皮蛋醬都想試，見皮蛋醬比較少見就先是皮蛋醬啦。雞扒好大塊，新鮮炸起勁香脆，入面嘅雞肉多汁又嫩滑，好食喎😋皮蛋醬顧名思義有皮蛋啦，先有伴碟嘅原塊皮蛋，仲有切碎咗混埋喺滷肉醬入面嘅皮蛋，鹹香鮮味，用嚟拌麵真係好正🤤而且仲有一大堆青瓜絲，個清新感正好去膩，食曬成碟好滿足🤤⭐夜市鹽酥雞食台灣嘢當然要叫埋台式小食啦，但呢度冇我最鍾意嘅台式香腸，咁就叫咗次選鹽酥雞，同樣係即叫即炸，酥脆香口，真係有鹽酥效果👍⭐柑桔檸檬 & 珍珠烏龍奶茶最後就係台式飲品，朋友話佢