茶木‧台式休閒餐廳 (已結業)

所以話食飯要睇負評，咁多comments蚵仔泡飯蚵嗲腥臭。平日朋友鍾意蠔食物，今日自己好白目叫嚟試。一上枱已經腥到嘔，試咗啖超級超級腥，蠔仔入口係糊狀，狂飲水都腥到嘔，最後要同朋友換餐。朋友極喜歡蠔，咩烹調方法都喜歡，今次居然挑走啲蠔食炸粉，都係食咗一半。有圖有證據，唔新鮮嘅蠔本來白色嘅肚變灰色，新鮮嘅蠔肚煮熟係會凝固，而呢碟野嘅蠔漏緊腥汁。反映俾 waitress知，佢都係話幫我收咗佢 -_-”另外個手作麵一直都係最愛，松露定牛肝菌味好香，再少啲油就更好之前試吓新口味，菠蘿甜酸肉，係伏啊！9成水果，勁酸甜，甜到嘔，肉總共係5小塊。食過嘅人就知我冇吹水，菠蘿，火龍果肉，藍莓，草莓，水果佔9成啊!點餸飯。以後嚟茶木唔博，太多伏~以後固定叫松露手作麵算。