影片
更多
2010-04-12
4 瀏覽
11-4-2010本來想去 5 樓的 Sushi Fuku, 點知佢執到連 lift 都唔停 5 樓, 結果上了 6 樓, 還掂呢間都一直想試了. 2 人嚟到, 大家都叫了生吃的, set lunch 跟前菜, 茶碗蒸, 味噌湯及甜品 (亦可選咖啡).我的前菜係漬牛舌, 牛舌軟得有點鬆散, 醬汁黏黏的呈 mayo 狀, 食落帶點魚味 (??) 及 mayo 的酸酸甜甜, 亦實在幾黐笠笠, 好在有面頭的爽脆青瓜絲中和一下. 整體印象一般, 不過唔難食的.朋友的前菜就係漬西蘭花, 試了莖部分覺得幾清爽, 帶醋香, 清口腔一流.茶碗蒸配料有雞肉, 冬菇及香菜 (?), 蛋蒸得滑, 不過有點過鹹及過油 (!?!?), 印象麻麻哋.主食揀了「北海丼」($150)... menu 上淨係話有牡丹蝦, 帶子, 海膽及三文魚籽, 嚟到就竟然見到 3 大塊厚切的三文魚刺身「塔」喺度, 真係 可幸朋友唔抗拒食三文魚, 結果由佢搞掂了 店員話海膽而家「交配期」緊「要食多 d 海藻」, 所以海膽會有陣「海藻味」, 不過「唔係人人接受得到」, 提醒我哋 order 前「諗諗」, 都幾細心. 不過
本來想去 5 樓的 Sushi Fuku, 點知佢執到連 lift 都唔停 5 樓, 結果上了 6 樓, 還掂呢間都一直想試了. 2 人嚟到, 大家都叫了生吃的, set lunch 跟前菜, 茶碗蒸, 味噌湯及甜品 (亦可選咖啡).
我的前菜係漬牛舌, 牛舌軟得有點鬆散, 醬汁黏黏的呈 mayo 狀, 食落帶點魚味 (??) 及 mayo 的酸酸甜甜, 亦實在幾黐笠笠, 好在有面頭的爽脆青瓜絲中和一下. 整體印象一般, 不過唔難食的.
朋友的前菜就係漬西蘭花, 試了莖部分覺得幾清爽, 帶醋香, 清口腔一流.
茶碗蒸配料有雞肉, 冬菇及香菜 (?), 蛋蒸得滑, 不過有點過鹹及過油 (!?!?), 印象麻麻哋.
主食揀了「北海丼」($150)... menu 上淨係話有牡丹蝦, 帶子, 海膽及三文魚籽, 嚟到就竟然見到 3 大塊厚切的三文魚刺身「塔」喺度, 真係 可幸朋友唔抗拒食三文魚, 結果由佢搞掂了 店員話海膽而家「交配期」緊「要食多 d 海藻」, 所以海膽會有陣「海藻味」, 不過「唔係人人接受得到」, 提醒我哋 order 前「諗諗」, 都幾細心. 不過我又唔多食到「海藻」味, 只覺軟滑鮮甜, 雖然 Toku (http://www.openrice.com/restaurant/commentdetail.htm?commentid=1973554) 的好食 d, 但 lunch 嚟講質素十分唔錯呢 帶子食落算鮮美, 不過近乎「成隻」serve, 肥大厚肉到呢 , 幾飽滯的, 哈哈; 三文魚籽用酒醃過, 酒味點到即止, 食落鹹鮮微甜, 正! 牡丹蝦又係勁大隻, 肉甜而清爽, 蝦頭內的少少橙色蝦膏亦甘甜, 好食 仲有一小件赤貝, 食落味道較淡, 爽脆搭夠; wasabi 用新鮮貨色, 食落香而不太辣, 交足功課的; 醋飯雖然醋味剛好, 但混了不少酸薑碎, 味道太搶了, 感覺較失色.
朋友食自選壽司定食 ($220)... out of 中 toro (2 件), 赤身, 真鯛, 劍魚腩 (2 件), 玉子, 帶子, 池魚, 三文魚籽及燒海鰻 (咦, 得 11 件嘅?), 試了玉子及中 toro, 前者甜而不香又唔得鬆軟, 後者就夠油香, 不過當然唔及 12 樓的 (http://www.openrice.com/restaurant/commentdetail.htm?commentid=2059344) 肥美.
味噌湯夠熱, 飲落就係「飲完都唔記得」的級數, 味道普通.
甜品係抹茶 + 一團糯米糍皮狀的和菓子 (其實叫乜名?), 後者勁重奶味, 香甜軟糯, 正! 澀澀又青青的抹茶我一般, 不過配和菓子同吃/飲, 效果又不錯.
食物令人滿意, 環境及服務亦好, 不過呢度既然係 proper 日本餐廳, 配套好又有幾奇? 哈哈
連加一 $165, 朋友的壽司定食就 $232, 雖然唔算超級抵食, 不過難得大家去完東京返嚟食都無投訴 , 都值得試試的.
張貼
