影片
更多
2006-05-25
1 瀏覽
歐州眾多菜系之中,除左英國菜一向比人覺得差之外,其次到日耳曼帝國,有人話德國菜同其國家一樣般機動性地乏味.德國來來去去得香腸,豬手.啤酒,別無其他.(註)巴伐利亞的黑森林呢?)相比歐州其他主流菜系,的確單調得很.連帶德意志上下國家如波蘭,奧地利等邪惡軸心或同盟國家,菜式基本上都係咁悶蛋,波蘭好少少,起碼有餃子.話雖如此,多年前的女朋友,正是德國文化之愛好者,足球捧德國,著波鞋著Puma,音樂就Engima同Kraftwerk.連帶飲食,中國菜以外,便輪到德國菜.年前金域假日地庫的Delicatessen Corner,便是其中一間她最愛的西餐廳之一.連帶小弟其後日子,也光顧數遍.在老尖吃西餐,此店消費算低廉,以酒店級數來講.比同區同類Weinstube,Ludwig更平.始終德國菜,好難賣得貴.一隻豬手百幾銀,已是高消費.每一次來,一定唔叫Set dinner,Set dinner通常只係普通西餐,散叫菜式才能吃出德國菜出來.月前再重臨,面目依舊,人面全非,身邊同行已換上另一個靚女朋友.靚女之前未吃過德國菜,點菜之粗重功夫,又係落在我手上.頭盤,主菜各一,甜品可免則免.青豆茸湯也對味,
話雖如此,多年前的女朋友,正是德國文化之愛好者,足球捧德國,著波鞋著Puma,音樂就Engima同Kraftwerk.連帶飲食,中國菜以外,便輪到德國菜.年前金域假日地庫的
Delicatessen Corner,便是其中一間她最愛的西餐廳之一.連帶小弟其後日子,也光顧數遍.
在老尖吃西餐,此店消費算低廉,以酒店級數來講.比同區同類Weinstube,Ludwig更平.始終德國菜,好難賣得貴.一隻豬手百幾銀,已是高消費.每一次來,一定唔叫Set dinner,Set dinner通常只係普通西餐,散叫菜式才能吃出德國菜出來.
月前再重臨,面目依舊,人面全非,身邊同行已換上另一個靚女朋友.靚女之前未吃過德國菜,點菜之粗重功夫,又係落在我手上.頭盤,主菜各一,甜品可免則免.
青豆茸湯也對味,夠creamy.這不是我的,純悴靚女的意見.香腸三大條,管他是法蘭克福紐倫堡.香腸味濃.很有咬勁.加些酸菜同芥辣吃就完美.德國香腸種類,大大小小超過五百種.好難逐一去認識,如果日日食香腸的話,個樣都會變成香腸.
主菜維也納牛仔肉,其實係奧匈帝國之名菜,不知何故也成為德國菜式之一.做法將牛仔肉有咁扁耷到咁扁.以Deep fried做法,伴以薯條吃之.有咁熱氣得咁熱氣,同炸魚薯條一樣.牛仔肉耷到咁扁之後,肉質之纖維亦隨之瓦解,用不著梳打粉去招呼,吃落口感很鬆化.外面金黃香脆.加上杯生啤,一樂也.
靚女的"拾"豬手,佢話麻麻,之後還向部長投訴,其後成功爭取換來一客燒豬手,燒豬手外層脆卜卜,靚女吃罷大喜.睇唔出一個Glamour girl的食相,原來如此..一隻豬手,已經出賣左一半.
幸好沒有甜品埋尾,否則真係浪費.吃飽後做咩好?梗係要搵樣野去代替甜品.兩人挺住個肚,上諾士佛臺再尋歡作樂.隱約地聞到,在她傳來的Gucci envy之香氣......
"我與妳放縱此刻千金的一晚
過去了我不須記放心中
漆黑中一觸的戀愛放縱不羈
不須把真意對待妳
一觸的戀愛放縱不羈
空虛的心裡滿滋味"
張貼
