影片
更多
2017-10-17
39 瀏覽
在旺角咁繁盛嘅地區，芸芸眾多嘅食肆，我經常都鍾意食放題，昨日去到呢一間日本料理，不得不提在油麻地地鐵站附近兆萬中心3樓「御八幡屋」日本料理。食物非常出色，二人嘅放題都係收$396，另有加一服務收費。數十款嘅選擇提供。首先送上嚟就是一個磯燒海鮮拼盤 ，大大隻嘅赤蝦，只要灑上少少鹽來燒，幾分鐘後你就會嘗到佢嘅鮮甜多汁，啖啖肉嘅赤蝦。仲有大大隻新鮮蠔，聖子，扇貝，青口灑上一些清酒來燒，提起海鮮嘅味道非凡，個磯燒海鮮咁出色，於是我哋加配石磯燒連同升級料理。每一位磯燒放題只加$30就可以不停享用大飽口福。連同一個星級料理，每位加$60，佢嘅升級料理絕對超值，一個八幡一品海鮮湯，係用魚翅製作，份量唔少㗎，用大量嘅海鮮淆製，湯味濃郁，魚翅都唔係幼細，一大湯羹盛着不少的魚翅，我哋食得好開心。仲有個黑松露海膽蒸蛋，端上嚟嘅蒸蛋熱騰騰，滑捋捋，蛋味濃郁，加上用名貴嘅黑松露加海膽，真係冇得輸。另外嘅燒物如鹽燒大虎蝦，真係大大隻又爽甜，加上鹽燒，大大提鮮蝦的味道。仲有一個黃金焗蠔都好正，佢焗嘅時間配合得啱啱好，蠔鮮味無窮，肥嘟嘟，我哋都食咗好幾轉。佢哋嘅火焰特色壽司，唔係處處食到，珍珠米上放嘅海鮮，用秘製嘅材
食物非常出色，二人嘅放題都係收$396，另有加一服務收費。數十款嘅選擇提供。
首先送上嚟就是一個磯燒海鮮拼盤 ，大大隻嘅赤蝦，只要灑上少少鹽來燒，幾分鐘後你就會嘗到佢嘅鮮甜多汁，啖啖肉嘅赤蝦。
仲有大大隻新鮮蠔，聖子，扇貝，青口灑上一些清酒來燒，提起海鮮嘅味道非凡，個磯燒海鮮咁出色，於是我哋加配石磯燒連同升級料理。
每一位磯燒放題只加$30就可以不停享用大飽口福。
連同一個星級料理，每位加$60，佢嘅升級料理絕對超值，一個八幡一品海鮮湯，係用魚翅製作，份量唔少㗎，用大量嘅海鮮淆製，湯味濃郁，魚翅都唔係幼細，一大湯羹盛着不少的魚翅，我哋食得好開心。
仲有個黑松露海膽蒸蛋，端上嚟嘅蒸蛋熱騰騰，滑捋捋，蛋味濃郁，加上用名貴嘅黑松露加海膽，真係冇得輸。
另外嘅燒物如鹽燒大虎蝦，真係大大隻又爽甜，加上鹽燒，大大提鮮蝦的味道。
仲有一個黃金焗蠔都好正，佢焗嘅時間配合得啱啱好，蠔鮮味無窮，肥嘟嘟，我哋都食咗好幾轉。
佢哋嘅火焰特色壽司，唔係處處食到，珍珠米上放嘅海鮮，用秘製嘅材料同手作，封住整個壽司鮮味不會流出，當你食嘅時候才會在你口腔裏出現，我哋都試過多種嘅味道，各具特色不可錯過。
天婦羅都做得好出色，送上枱嘅時候直情係在鍋裏剛剛撈起在你面前一樣。
佢嘅芝士炸年糕頂瓜瓜，外面炸得鬆化，又夠煙靭，咬開後內裏軟綿綿，香濃嘅芝士源源流進你的口裏，喜歡吃芝士真係唔好錯過。
最後梗係食甜品啦，多款嘅甜品任你選擇，佢啲泡芙做得很精緻，一口一粒，細細粒好考功夫㗎，外面鬆化，裏面填滿流心忌廉，口感很完美，仲有多款流心嘅味道，士多啤梨啦，朱古力啦，都有本身獨特嘅味道香氣。
仲有櫻花奶凍同楊枝甘露，製作得香氣怡人清甜，潤喉，色香味俱全，你哋都不容錯過。
仲有就係每個員工的招待，非常滿意，會詢問客人食物到齊與否非常貼心，值得讚許。
張貼
