茶餐廳2.0 (已結業)

荃灣站📍茶餐廳2.0-行完ikea去愉景新城睇下有咩食，茶記簡簡單單，食返個快飯。吉列芝士夾心豚柳咖喱蛋包飯（$70）呢個一上台好吸睛😻切開吉列豬柳仲有芝士🧀，如果豬柳再鬆化少少更好。蛋好嫩滑，配埋咖喱汁一流😋旁邊仲有少少沙律🥗招牌雜扒餐（$66）呢個雜扒餐好豐富，有豬扒、雞扒、煙肉、法蘭克福腸。扒餐可以跟飯、意粉或薯菜，我梗係要薯菜😹雞扒好嫩滑，豬扒可以再鬆化少少🤏薯菜份量好多，正合我心意🤗兩合餐都加配特飲，分別要左莓莓奶昔（$25）同獅王舞影（$20）。莓莓奶昔好creamy，面頭仲有cream，fat fat😎獅王舞影由菠蘿汁、雪碧同利賓納調製而成，解暑一流👍🏻環境方面，都係普通茶記格局，不過幾環生企理，座位闊落。