榮華茶餐廳 (已結業)

呢度最大嘅好處就係夜媽媽都有麵包、蛋撻及雞批賣。對小弟呢亭經常口痕嘅人來講，絕對係恩物...一大個椰絲奶油。奶油多到爆晒出嚟，椰絲亦夠多，但包不算軟熟，奶油亦不算滑，跟龍城豪華實在有段距離。但咁夜都有椰絲奶油食，仲想點?再加個雞批。雖然唔係剛出爐，但都好有誠意咁放响電爐入面，食落口熱到辣嘴。味道雖然不怎麼樣，但都係嗰句: "咁夜都有雞批食，仲想點?"