新麻蒲 BBQ (新都會廣場) (已結業)

新麻蒲食過晚巿燒肉好抵食，今日襯住做完Body Check黎試下佢午巿買三送一優惠！十二點一開門我地就入去，所以仲有窗口位坐。四個午巿套餐會送最平果個，我地揀左兩個燒肉餐，一個燉牛肋骨，仲有個冷麵。一黎有四小碟韓國泡菜作前菜，仲有沙律同蔬菜添！兩個燒肉套餐都幾多野食，中價果個餐有牛肋條同豬護心肉，而平價果個餐有豬頸肉同豬護心肉，肉質唔錯兼醃得入味！燒肉果陣有抽風將油煙抽走，唔驚成身油煙味。燉牛肋骨好淋，個湯非常濃郁，愛黎送飯一流。至於個冷麵外表睇落平平無奇，食落有驚喜，黑色的冷麵質地非常彈牙，食完熱辣辣的燒肉再食返冷麵可以降下火平衡下，爽呀！