影片
更多
2016-12-25
13515 瀏覽
身邊朋友好多都已經有家庭，所以要相約食餐晚飯都好難，因為午後時間大多要照顧仔女或打理家頭細務，所以還是相約食晏比較好。人妻朋友提議去呢間，$300左右既日式放題。「殿」係級數最好既任題，裝修亦都係最豪華既，所以我覺得難得相聚而且如果食物質素好，呢個價值都可接受。門口已經幾吸引，放滿熊仔同一排甜品櫃。可惜，櫃台服務差。明明預約好既booking, 職員竟然沒睇清楚就已經臭住臉兼大大聲話我地無booking，但當然最後順利入座啦。餐廳面積大，能容納既枱數都唔少，怪不得甘多甜品同飲品供應，而且餐紙有成兩本薄甘多，有唔少選擇。「殿」當然會同一段既日式放題唔同，其中一樣就係佢地連紅酒、白酒、日本清酒都可以任飲，晏晝就可以比客人不醉無歸，哈哈！有一細區域喺放餐前小食，我拎左海蜇、女子魚同白雲鳳找，既爽口又開胃。日式放題當然要點刺身。左上：鱆紅薄切伴海葡萄，配埋個土佐炸水雲汁，鮮味再加少少酸味，味道更鮮。左下：泰式生蝦幾爽口，唔差。右上、下：刺身爽口鮮甜，唯獨拖羅太厚又帶筋，完全唔似係拖羅。其實刺身都有重點左幾次。左上：燒牛脷好韌。左下：青瓜燒完都幾甜。右上：蒜片燒牛像好好味，有驚喜！牛肉薄切好入味
門口已經幾吸引，放滿熊仔同一排甜品櫃。可惜，櫃台服務差。明明預約好既booking, 職員竟然沒睇清楚就已經臭住臉兼大大聲話我地無booking，但當然最後順利入座啦。
餐廳面積大，能容納既枱數都唔少，怪不得甘多甜品同飲品供應，而且餐紙有成兩本薄甘多，有唔少選擇。
「殿」當然會同一段既日式放題唔同，其中一樣就係佢地連紅酒、白酒、日本清酒都可以任飲，晏晝就可以比客人不醉無歸，哈哈！有一細區域喺放餐前小食，我拎左海蜇、女子魚同白雲鳳找，既爽口又開胃。
日式放題當然要點刺身。
左上：鱆紅薄切伴海葡萄，配埋個土佐炸水雲汁，鮮味再加少少酸味，味道更鮮。左下：泰式生蝦幾爽口，唔差。
右上、下：刺身爽口鮮甜，唯獨拖羅太厚又帶筋，完全唔似係拖羅。其實刺身都有重點左幾次。
左上：燒牛脷好韌。左下：青瓜燒完都幾甜。
右上：蒜片燒牛像好好味，有驚喜！牛肉薄切好入味，牛味濃亦唔乾，重點左幾次～
刺身都唔錯～左下既海膽手卷聽聞唔係成日有，好彩比我遇到。海膽味唔濃但幾香口，燒牛肉同燒三文魚壽司被燒後既脂香味令其更香口。
左上：巴馬火腿配薯蓉，整體比較乾身。右上：有機南瓜天婦羅，幾鮮甜，外層炸得脆口。
右一及右二：大粒既係炸芝士年糕，細粒既係炸芋頭。芝士年糕幾煙韌牙，年糕及芝士份量平均。炸芋頭下層薄脆，芋蓉幾甜。
最後朋友點左個拉麵食，麵條有嚼感，味道正常但偏油膩。最後當然要食甜品！
左上：榴連波波雪糕都係第一次見，朋友食左話幾夠味。左下：生果幾甜，而楊枝甘露一盒仔真係唔夠～
右上：佢地個雪糕櫃有齊晒Movenpick, Haagen dazs 同埋Milk Top既沖繩鹽味雪糕！！
右下：我仲食左佢地既牛奶布丁、馬卡龍、芝士蛋糕同埋tiramisu~
食物質素：整體嚟講都算唔錯，座位亦坐得舒服，選擇亦多。服務：好大進步空間。除左櫃枱職員，樓面既職員亦需要再培訓，學習基本對客同上菜既禮貌。
張貼
