影片
更多
2021-08-01
543 瀏覽
2021年7月28日 星期三今日難得放假，專登同老婆一齊去尖沙咀做產檢，之後專登揀咗呢一間餐廳同佢食lunch，貪佢位置夠方便，而且坐得舒服，仲要係我鐘意食既日本正宗串揚餐廳添，香港好少地方可以食到餐牌有好多選擇，有午市串揚定食，包左沙律、前菜、漬物等，而且仲可以自由揀白飯、茶漬飯、蕎麥麵或者烏冬添！另外又散叫刺身，價錢都唔算太貴至於餐廳既主打當然係串揚，有成頁唔同款式既串揚可以選擇，而食串揚就梗係要飲埋酒啦，不過今次同老婆一齊黎，所以只係每個人叫左一個午市串揚定食加刺身就算，怕叫太多食唔晒首先黎既有時令生蠔、天使蝦同帆立貝刺身，生蠔好大隻，夠晒肥美，而且好重海水味添至於天使蝦同帆立貝刺身都好厚身，仲好彈牙，加少少檸檬汁就更加鮮甜主菜方面，老婆要左串揚牛肉定食，有四串安格斯牛西冷，而沙律係南瓜薯仔沙律，仲有蒜漬物，西冷牛炸完之後仲有好多肉汁，完全唔覺得韌，炸粉好薄，有三款醬汁可以點，老婆想點邊一款都可以至於我就要串揚海鮮定食，有松葉蟹腳、日本帶子同日本鯡魚子串揚配烏冬，當中我覺得最驚喜嘅係鯡魚子串揚，因為咬落去真係有勁多魚子，脆卜卜，口感好特別，可惜只有一舊，如果有多舊會更加好最後飲埋
今日難得放假，專登同老婆一齊去尖沙咀做產檢，之後專登揀咗呢一間餐廳同佢食lunch，貪佢位置夠方便，而且坐得舒服，仲要係我鐘意食既日本正宗串揚餐廳添，香港好少地方可以食到
餐牌有好多選擇，有午市串揚定食，包左沙律、前菜、漬物等，而且仲可以自由揀白飯、茶漬飯、蕎麥麵或者烏冬添！
另外又散叫刺身，價錢都唔算太貴
至於餐廳既主打當然係串揚，有成頁唔同款式既串揚可以選擇，而食串揚就梗係要飲埋酒啦，不過今次同老婆一齊黎，所以只係每個人叫左一個午市串揚定食加刺身就算，怕叫太多食唔晒
首先黎既有時令生蠔、天使蝦同帆立貝刺身，生蠔好大隻，夠晒肥美，而且好重海水味添
至於天使蝦同帆立貝刺身都好厚身，仲好彈牙，加少少檸檬汁就更加鮮甜
主菜方面，老婆要左串揚牛肉定食，有四串安格斯牛西冷，而沙律係南瓜薯仔沙律，仲有蒜漬物，西冷牛炸完之後仲有好多肉汁，完全唔覺得韌，炸粉好薄，有三款醬汁可以點，老婆想點邊一款都可以
至於我就要串揚海鮮定食，有松葉蟹腳、日本帶子同日本鯡魚子串揚配烏冬，當中我覺得最驚喜嘅係鯡魚子串揚，因為咬落去真係有勁多魚子，脆卜卜，口感好特別，可惜只有一舊，如果有多舊會更加好
最後飲埋個湯就真係已經飽晒，呢個麵豉湯好清澈，調味好足夠，仲有冬菇絲添
張貼
