影片
更多
2021-04-17
156 瀏覽
2021年4月11日 星期日又到左週末嘅時間，今日同老婆去咗銅鑼灣食晏，由於想試吓食新餐廳，所以專登上網睇吓有咩好推介，最後選擇左呢一間西班牙餐廳喺二千年廣場搭lift一上到去就見到，睇落去裝修得幾有氣氛入到去坐低再睇返餐牌，發現真係有西班牙小食任食，而且價錢仲要好抵，每人都係$150，如果叫主食，都係$30，銅鑼灣地段黎講真係好經濟，不過當然都要睇返食物嘅份量同質素，所以我哋決定每樣都試少少先首先試嘅係炸魚肉蝦餃子，冇諗到擺盤都咁靚，每人有一隻，食落去外皮好香脆，裏面嘅魚肉蝦餡都好多，配埋腰果醬同甜豉油一齊食，味道更加豐富之後有老婆就鍾意嘅意大利薯仔洋蔥焗蛋配蒜蓉汁，每一次嚟嘅時候只係切一小嚿，所以食完之後都唔會太飽，可以再不斷encore，食落去充滿薯仔味，而且層次分明，焗得啱啱好呢個係慢煮無骨牛小排，牛小排真係好腍，完全冇骨，牛肉嘅味道鎖晒入去，就算唔點醬汁都已經好夠味之後有慢煮雞胸配柑橘汁，柑橘同雞胸幾配合，雞肉夠嫩滑而且好多汁，加上份量都幾多至於呢一個炸魷魚配蒜蓉醬就中規中矩，唔算太特別，淨係炸得好香口，味道一般呢個係銀魚柳配紅燈籠椒多士，味道都幾特別，魚柳完全冇骨，有少少橄
又到左週末嘅時間，今日同老婆去咗銅鑼灣食晏，由於想試吓食新餐廳，所以專登上網睇吓有咩好推介，最後選擇左呢一間西班牙餐廳
喺二千年廣場搭lift一上到去就見到，睇落去裝修得幾有氣氛
入到去坐低再睇返餐牌，發現真係有西班牙小食任食，而且價錢仲要好抵，每人都係$150，如果叫主食，都係$30，銅鑼灣地段黎講真係好經濟，不過當然都要睇返食物嘅份量同質素，所以我哋決定每樣都試少少先
首先試嘅係炸魚肉蝦餃子，冇諗到擺盤都咁靚，每人有一隻，食落去外皮好香脆，裏面嘅魚肉蝦餡都好多，配埋腰果醬同甜豉油一齊食，味道更加豐富
之後有老婆就鍾意嘅意大利薯仔洋蔥焗蛋配蒜蓉汁，每一次嚟嘅時候只係切一小嚿，所以食完之後都唔會太飽，可以再不斷encore，食落去充滿薯仔味，而且層次分明，焗得啱啱好
呢個係慢煮無骨牛小排，牛小排真係好腍，完全冇骨，牛肉嘅味道鎖晒入去，就算唔點醬汁都已經好夠味
之後有慢煮雞胸配柑橘汁，柑橘同雞胸幾配合，雞肉夠嫩滑而且好多汁，加上份量都幾多
至於呢一個炸魷魚配蒜蓉醬就中規中矩，唔算太特別，淨係炸得好香口，味道一般
呢個係銀魚柳配紅燈籠椒多士，味道都幾特別，魚柳完全冇骨，有少少橄欖油調味魚肉都幾幼嫩
之後有洋蔥煙肉焗蠔，焗得幾香，上面有燒焦過嘅芝士碎，蠔肉唔腥，咬落去有少少海水味
仲有煮青口配白酒汁，青口雖然唔算大隻，不過幾入味，上面仲有炸蒜添
至於呢個紅蝦他他配牛油果蕃茄我覺得幾出色，因為食落去嘅每一啖都食到紅蝦，而且因為有牛油果嘅關係，食完都唔會覺得油膩，仲好似越食越開胃添
最後仲有辣蝦炒薯仔，分量唔算太多，淺嘗嘅話啱啱好，薯仔切成一粒粒，食落更加入味，至於蝦仁幾彈牙，味道都唔錯
食咗咁多西班牙小食，每人都係百幾蚊左右，仲可以無限添加添，真係平到你唔信
張貼
