Stormies (已結業)

見到商場apps有午市優惠買一送一coupon，於是去商場諗住試下佢嘅set lunch啦。呢間舖嘅入口係向住商場外面，如果喺商場入面搵會搵唔到個入口。一入到去就聽到侍應問有冇coupon喇，唔會話收收埋埋咁。我地一共叫左兩個餐，叫左一個雞肉辣肉腸飯配蕃茄及蕃茜，另外叫左個墨西哥牛肉餡餅配牛油果醬、酸忌廉及蕃茄蓉。套餐已經有餐湯同埋沙律，兩樣野嘅味道都唔錯。雞肉辣肉腸飯有少少辣，雞肉嘅份量都唔少。個飯嘅顏色好鮮艷，少少辣好開胃啊！至於個墨西哥牛肉餡餅係配薯條嘅，餡餅入面夾左牛肉。至於面頭就係牛油果、酸忌廉同埋蕃茄蓉！薯條都炸得好脆熱辣辣唔錯。除左餐飲之外，原來仲有甜品送。雖然係送嘅件蛋糕都唔差，件蛋糕入面都有d果肉，作為一餐嘅總結都唔錯。