招點薈 (已結業)

係佐敦呢條街，芸芸賣玉器嘅店鋪當中有呢間招點薈。個環境唔係街坊茶記貨色，而係有啲法式情調嘅，背景音樂係令人放鬆嘅純音樂。午市免加一，我今日食香煎三文魚（$108），配薯菜。餐湯係椰菜花忌廉湯，味道香濃唔會好鹹或膩。主菜三文魚，分量有手板咁大，都幾厚肉，而且係健康之物，煎完完全唔乾，依然嫩滑，果然厲害。薯仔軟硬度亦剛好。菇菌有好多款，仲有秋葵、車厘茄，夠曬健康。餐飲揀左咖啡，因為講到係得獎咖啡，搞到我好想試。味道帶花果香，都幾夠濃，after taste都好強烈。