歷山餐廳

營業中

休息中

見到HK01條廣告, 午市半自助餐折後加埋一都係@$270左右. 歷山酒店喺表妹結婚擺酒時去過一次, 環境非常靚! 所以見有優惠就去試下.雖然係半自助餐, 但啲食物都算多選擇, 未叫主菜已經食到好飽, 雖然個主菜無論係牛扒/和牛漢堡/魚都唔錯~講番個自助餐先, 選擇都算多, 最好味係個泰式無骨鳳爪! 其他熱食中規中矩~飲品方面係任斟, 個甜品我覺得最出色!款式多~最好味係個拿破侖!新鮮又脆口時間方面好足裕...足足坐左兩個幾鐘, 佢樓底又夠高, 坐位又闊落, 如果同朋友坐低食下嘢傾下計係個好選擇。