影片
更多
2022-06-27
1239 瀏覽
呢日要到中環街市附近做嘢，又係周圍搵食嘅時候，咁啱附近食廈頂樓開咗間日式壽司鐵板燒店，竟然臨時有位，命運安排下就會一會呢間新店。首次到訪，先小試$580壽司Set，有12貫加卷物，份量上算幾抵。頭盤有鱧魚天婦羅，屬生魚同科嘅鱧魚炸過後鎖住魚香，上面加咗些少梅醬，幾特別。沙律以芝麻醬做汁，特別在有兩件蓮莖，雖冇乜味但口感爽脆，食落清新。蟹肉茶碗蒸上面有鮮味嘅蟹肉絲，蛋底亦做得夠滑。前菜食完，師傅亦準備好面前嘅壽司薑、蒜頭漬同彩色芝麻牛蒡，佐菜款式都唔會吝嗇，感覺唔錯。跟住就係12貫握壽司：- 右口魚，口感軟腍清新，加上辣蘿蔔蓉帶起甘甜- 池魚，加左些少薑蓉蔥粒辟腥，入口更加怡人- 新鮮帆立貝，只需用一點檸檬汁吊味已夠鮮甜，貝肉咬口亦實淨- 赤身醬油漬，豉油輕醃一陣，赤身更顯甘香軟嫩，芝麻碎同新鮮紫菜亦俾到旨味點綴- 黑鯥魚，魚皮部分輕炙嚟釋放油分，魚味及油香兼備- 深海池魚，表面加左柚子皮，增加果香及開胃感- 中拖羅，質素非常好，厚切冇筋而且入口即融- 牡丹蝦，用返即拆燒蝦膏調味，燒過的濃郁蝦香令蝦肉層次提升- 火炙銀鱈魚BB，師傅話細條3kg以下先可以用嚟做刺身，肉質鬆軟亦有油潤感-
首次到訪，先小試$580壽司Set，有12貫加卷物，份量上算幾抵。
頭盤有鱧魚天婦羅，屬生魚同科嘅鱧魚炸過後鎖住魚香，上面加咗些少梅醬，幾特別。沙律以芝麻醬做汁，特別在有兩件蓮莖，雖冇乜味但口感爽脆，食落清新。蟹肉茶碗蒸上面有鮮味嘅蟹肉絲，蛋底亦做得夠滑。
前菜食完，師傅亦準備好面前嘅壽司薑、蒜頭漬同彩色芝麻牛蒡，佐菜款式都唔會吝嗇，感覺唔錯。
跟住就係12貫握壽司：
- 右口魚，口感軟腍清新，加上辣蘿蔔蓉帶起甘甜
- 池魚，加左些少薑蓉蔥粒辟腥，入口更加怡人
- 新鮮帆立貝，只需用一點檸檬汁吊味已夠鮮甜，貝肉咬口亦實淨
- 赤身醬油漬，豉油輕醃一陣，赤身更顯甘香軟嫩，芝麻碎同新鮮紫菜亦俾到旨味點綴
- 黑鯥魚，魚皮部分輕炙嚟釋放油分，魚味及油香兼備
- 深海池魚，表面加左柚子皮，增加果香及開胃感
- 中拖羅，質素非常好，厚切冇筋而且入口即融
- 牡丹蝦，用返即拆燒蝦膏調味，燒過的濃郁蝦香令蝦肉層次提升
- 火炙銀鱈魚BB，師傅話細條3kg以下先可以用嚟做刺身，肉質鬆軟亦有油潤感
- 喜知次，輕炙後配埋炸大蔥絲，少許油香好吸引
- 火炙大拖羅，油脂足夠，入口亦冇筋
- 北海道根室松浦水產赤海膽，上面加上淡雪鹽，特別在於用嚟盛載嘅米餅，係用壽司赤醋飯打碎風乾再炸，用香脆映襯海膽嘅creamy，一試難忘
卷物就係用吞拿魚粒，師傅特別用埋魚皮下脂肪嘅魚油，增加香氣，醃黃蘿蔔、蔥花、炸漿粒亦令口感豐富好多，紫菜都夠哂脆口。
味噌湯加左鰹魚絲，增加左魚香之餘亦有嚼口。
壽司蛋係偏向布甸質感，甜度剛好，喺食完12貫之後，就好似飯後甜品咁滿足。
甜品係芝麻、綠茶雪糕，芝麻同綠茶味都好濃，各有千秋。
張貼
