影片
更多
2019-03-09
752 瀏覽
星期六又係家庭日，媽媽通知屋企附近開咗間新嘅西餐廳，佢食過幾次都覺得好好味，價廉物美，所以帶咗我去食。點解呢篇食評叫做午市大平反呢？因為我食食吓已經覺得呢間餐廳好好，所以想OpenRice睇吓係咪全部都係好評，點知發現好多劣評。。。。我留意到好多都係晚市，媽媽食過幾次都係午市，所以不予置評。大家下次黎可以試吓午市啊！九龍灣分店係新開，加上位置真係有少少偏僻，所以喺電梯旁都有啲宣傳品。午市餐牌真係好抵，特餐$55至$57，兩點前落單仲免收加一添！我哋叫咗兩個A餐，一個飯一個意粉。羅宋湯好好飲，唔辣，不過餐包就差左少少，係用微波爐嘅，所以有少少硬，不過$60樓下買單，咁樣已經係超水準。個牛扒超好味呀，點解$60可以有咁嘅肉質架？唔會醃到林晒，肥瘦均勻，牛肉紋理分明，果然係牛扒之家，正！啲粟米都幾甜，不過個人覺得西餐唔應該加棵小棠菜落去。意粉就好有咬口，廚房預設份量唔會落好多汁，但係我同媽媽都覺得蒜蓉汁太少，所以叫咗佢哋加。佢唔係比一兜仔醬汁你，而係用個大兜幫你淋落去，夠就叫停。返好有米香，真係好想衝入廚房問佢用邊隻米，不過今日煲林左少少，但都好高水準。因為位置冇咁旺，所以餐廳位置好多，兩個
點解呢篇食評叫做午市大平反呢？因為我食食吓已經覺得呢間餐廳好好，所以想OpenRice睇吓係咪全部都係好評，點知發現好多劣評。。。。我留意到好多都係晚市，媽媽食過幾次都係午市，所以不予置評。大家下次黎可以試吓午市啊！
九龍灣分店係新開，加上位置真係有少少偏僻，所以喺電梯旁都有啲宣傳品。
午市餐牌真係好抵，特餐$55至$57，兩點前落單仲免收加一添！我哋叫咗兩個A餐，一個飯一個意粉。
羅宋湯好好飲，唔辣，不過餐包就差左少少，係用微波爐嘅，所以有少少硬，不過$60樓下買單，咁樣已經係超水準。
個牛扒超好味呀，點解$60可以有咁嘅肉質架？唔會醃到林晒，肥瘦均勻，牛肉紋理分明，果然係牛扒之家，正！
啲粟米都幾甜，不過個人覺得西餐唔應該加棵小棠菜落去。
意粉就好有咬口，廚房預設份量唔會落好多汁，但係我同媽媽都覺得蒜蓉汁太少，所以叫咗佢哋加。佢唔係比一兜仔醬汁你，而係用個大兜幫你淋落去，夠就叫停。
返好有米香，真係好想衝入廚房問佢用邊隻米，不過今日煲林左少少，但都好高水準。
因為位置冇咁旺，所以餐廳位置好多，兩個人都可以比到四人卡位。
叫咗兩杯凍檸茶小冰少甜，點知嚟咗一杯少甜，一杯正常。少甜嗰杯好好味！正常個杯真係好甜，奉勸大家一定要叫少甜。
$57個牛扒餐，凍飲加兩蚊， $118買單真係好抵呀！ ！ ！ ！
張貼
