影片
更多
2021-09-22
1335 瀏覽
中午諗住食好啲，揀咗嚟金滿庭食飯，咁啱我地一行6人就直接叫咗個午市6人套餐，諗住唔洗慢慢揀定咩。依個套餐包咗3款前菜、3款主菜、1款蔬菜、飯麵同埋甜品，總共$738唔洗再加一。食物上枱速度都好快，不過啲次序好似有啲亂😂本身以為會上咗前菜先，點知第一樣嚟嘅已經係主菜糖醋魚塊。反而前菜係後面上，我地叫咗3款分別係雞絲粉皮、 烏梅糖醋小排骨同埋酸辣海蜇。味道係唔錯，但分量真係比較少，啲排骨連一人一舊都唔夠。其他餸仲點咗回鍋肉、滑蛋蝦仁同埋雪菜毛豆百頁。不過我覺得最好食嘅係糖醋魚塊，佢啲魚幾嫩滑，外皮亦炸得啱啱好，雖然今次無叫到白飯，但啲糖醋汁攞嚟撈飯會係一流。而其他菜都係正常發揮，食落係ok但我覺得6人餐依個分量係偏少，每人食少少已經好快無哂。我今次加咗$12轉咗個健康糙米麵，佢其他菜分量頗細碟，反而碗麵就幾大兜，食完之後就夠飽。而且佢嘅湯底清清地得嚟又有啲鮮味，我覺得麵係幾好食，不過始終覺得如果係配小菜嘅話都係白飯比較適合啲。食到最後仲會有桂花糕做甜品。雖然食物味道質素係Ok，但始終分量偏少，覺得唔太抵食，唔知關唔關套餐事，定本身啲野食分量都少，總之食過一次後覺得性價比有啲低，下次唔會再叫
食物上枱速度都好快，不過啲次序好似有啲亂😂本身以為會上咗前菜先，點知第一樣嚟嘅已經係主菜糖醋魚塊。
反而前菜係後面上，我地叫咗3款分別係雞絲粉皮、 烏梅糖醋小排骨同埋酸辣海蜇。味道係唔錯，但分量真係比較少，啲排骨連一人一舊都唔夠。
其他餸仲點咗回鍋肉、滑蛋蝦仁同埋雪菜毛豆百頁。不過我覺得最好食嘅係糖醋魚塊，佢啲魚幾嫩滑，外皮亦炸得啱啱好，雖然今次無叫到白飯，但啲糖醋汁攞嚟撈飯會係一流。而其他菜都係正常發揮，食落係ok但我覺得6人餐依個分量係偏少，每人食少少已經好快無哂。
我今次加咗$12轉咗個健康糙米麵，佢其他菜分量頗細碟，反而碗麵就幾大兜，食完之後就夠飽。而且佢嘅湯底清清地得嚟又有啲鮮味，我覺得麵係幾好食，不過始終覺得如果係配小菜嘅話都係白飯比較適合啲。食到最後仲會有桂花糕做甜品。
雖然食物味道質素係Ok，但始終分量偏少，覺得唔太抵食，唔知關唔關套餐事，定本身啲野食分量都少，總之食過一次後覺得性價比有啲低，下次唔會再叫。
張貼
