影片
更多
2017-05-18
240 瀏覽
第二次食牛氣。第一次係食晚市放題，而今次係食午市60分鐘放題套餐。其實我一直搞唔清牛氣、牛陣、牛一、日牛涮涮鍋呢幾個品牌有咩分別。正常來講應該三個「牛」開頭既牌子係同一個集團？Anyway，呢啲都唔關我事，有好野食我就滿足了。（我後尾無聊去研究左呢三間既分別，好似價位有少少少少分別，同埋質素方面都有少少少少唔同，感覺上牛氣應該係最高級既。）下午4點出來覓食，呢個就係平日唔洗返工既人士之lifestyle。。原本諗住響The One 4-5樓行幾個圈揀一間自己最想食既，但自己當時真係肚餓得滯，完全等唔切啦！😂 所以就入左呢間，因為肚餓更係要食多啲喇！原本想揀90分鐘放題既，貴60蚊，但可以食耐啲同埋肉可以無限refill。如果淨係普通60分鐘套餐就得一碟架姐。但係落單嗰陣時又覺得自己未必食得落咁多碟豬肉，同埋夜晚仲要食野添，唔想食到太飽。咁就點左$79既美國豚肉啦，切得薄薄地，涮幾秒就食得了！配埋胡麻醬仲正。我係一個好識分配時間既人（哈哈），所以當我等個湯底滾嗰陣時就已經去拎熱食、沙律同前菜啦！熱食我攞左咖哩牛腩配炒飯，幾開胃呀！跟住前菜有中華海藻沙律同八爪魚，仲有兩款壽司（玉子同蟹柳棒
下午4點出來覓食，呢個就係平日唔洗返工既人士之lifestyle。。原本諗住響The One 4-5樓行幾個圈揀一間自己最想食既，但自己當時真係肚餓得滯，完全等唔切啦！😂 所以就入左呢間，因為肚餓更係要食多啲喇！
原本想揀90分鐘放題既，貴60蚊，但可以食耐啲同埋肉可以無限refill。如果淨係普通60分鐘套餐就得一碟架姐。但係落單嗰陣時又覺得自己未必食得落咁多碟豬肉，同埋夜晚仲要食野添，唔想食到太飽。咁就點左$79既美國豚肉啦，切得薄薄地，涮幾秒就食得了！配埋胡麻醬仲正。我係一個好識分配時間既人（哈哈），所以當我等個湯底滾嗰陣時就已經去拎熱食、沙律同前菜啦！熱食我攞左咖哩牛腩配炒飯，幾開胃呀！跟住前菜有中華海藻沙律同八爪魚，仲有兩款壽司（玉子同蟹柳棒）。沙律配菜選擇都唔少，啲蔬菜真係非常之新鮮，有一種清甜（聽講老闆不惜成本用最好既蔬菜）。咁我就一路涮肉一路食前菜沙律啦，食到一半覺得差唔多可以煮丸類同其他蔬菜了，於是就將自己拎既全部倒曬落去俾佢慢慢煮。佢第二次滾我就繼續涮肉食，飲完一杯玄米茶就去攞一罐Hite啤酒，但無奈胃已經差唔多冇咩空間，於是飲左半罐就放棄左。
最尾差唔多全部消滅曬，淨返少少食唔曬既蓮藕同麵。芝士魚蛋實在太rich，我食左一個就食唔落了。通常我打邊爐最鍾意既菜就係油麥菜同蘑菇（各種菇都鍾意），於是呢幾樣我攞得多少少。Luckily for me，我一個鐘岩岩好食曬，唔洗等人來催我。
叫我同其他間比較既話就難啲，因為我未試過牛一同牛陣，但睇完啲評論我估應該係咁樣一個等級：牛氣>牛一>牛陣
因為牛陣湯頭選擇冇咁多同埋如果唔想要清湯就要加錢（雖然得個$10），所以牛一應該係性價比最高既，因為牛肉午市套餐都係$68起，而牛氣就係豬肉套餐都要$78。論環境，牛氣位於The One，租金應該最貴，所以價錢貴少少亦都算合理。
唔錯又夠抵食既一餐，其實呢個時段食正常來講夜晚不再需要食野了，但我到左7:30又差唔多消化曬。。所以隔2.5鐘就又可以食了😂 我可憐的身材啊！被我不停咁虐待🙈
張貼