薩莉亞意式餐廳 (中染新城) (已結業)

好似好耐冇食過薩利亞 平時都好多人等位 今日行過見到佢啱啱開門 好多位 就入咗去食😛之前嚟食嘅時候 lunch set 係幾抵食嘅 加幾蚊就有飲品bar 可以無限添飲 但係而家加套餐一定要我配埋個沙律 我對佢個沙律就冇乜興趣 變得唔係好抵 咁所以今次就咁散叫😅 水牛芝士pizza 芝士好豐富 勁拉絲 pizza邊幾脆 鍾意辣啲 重口味啲嘅朋友可以攞枝Tabasco 辣椒仔 辣辣地可能中和到個芝士嘅膩🌶芝士甜蝦粗管麵好creamy 食落好濃芝士 一樣好拉絲 一個人食晒成個就可能有啲膩 share食應該唔錯😬辣味雞翼就正正常常啦 冇咩特別 係細隻左啲姐 如果可以肥美啲就仲正🤕 最後食完覺得真係幾飽 似乎薩莉亞都係適合一大班人嚟食多啲 同埋希望佢個lunch set可以有返淨加飲品bar嘅選擇啦🤭